రాజన్న సిరిసిల్ల, వెలుగు: తెలంగాణ ఇన్స్టిట్యూట్ఆఫ్ డ్రైవింగ్ ఎడ్యుకేషన్ అండ్ స్కిల్స్(టైడ్స్ ) ఆధ్వర్యంలో లైట్ మోటార్ వెహికల్(ఎల్ఎం వీ), హెవీ మోటార్ వెహికల్ (హెచ్ఎంవీ)లో గ్రామీణ యువతకు ఉచిత శిక్షణ ఇవ్వనున్నట్లు టైడ్స్ ప్రిన్సిపాల్ రాఘవన్ తెలిపారు. దీన్ దయాళ్ ఉపాధ్యాయ గ్రామీణ కౌసల్య యోజన, ఎంప్లాయ్మెంట్జనరేషన్ , మార్కెటింగ్ మిషన్ సంయుక్త ఆధ్వర్యంలో 3 నెలల ఉచిత శిక్షణ కార్యక్రమం రాజన్న సిరిసిల్ల జిల్లా తంగళ్లపల్లి మండలం మండేపల్లి టైడ్స్ లో ఉంటుందన్నారు.
ఉచిత వసతి సౌకర్యం ఉంటుందని, ట్రైనింగ్కు దరఖాస్తు చేసుకునే అభ్యర్థుల వయస్సు 20 నుంచి 28 ఏండ్ల మధ్య ఉండాలన్నారు. గ్రామీణ ప్రాంతానికి చెంది10 వ తరగతి పాస్ లేదా ఫెయిల్ అయినా పర్వాలేదన్నారు. అభ్యర్థి ఎత్తు 160 సెంటిమీటర్ల పైన ఉండి, దేశంలో ఎక్కడైనా ఉద్యోగం చేసేందుకు సిద్ధంగా ఉండాలన్నారు. ట్రైనింగ్ పూర్తి చేసుకున్న వారికి మూడు నెలలపాటు అప్రెంటిస్ ఉంటుందన్నారు.
ఎల్ఎంవీ లైసెన్స్ ఏడాది పూర్తయిన వారికి హెచ్ఎంవీలో శిక్షణ ఇస్తామన్నారు. ఆసక్తి ఉన్నవారు ఎస్సెస్సీ సర్టిఫికెట్, ఆధార్, రేషన్ కార్డ్, కులం, ఆదాయం, బ్యాంక్ ఖాతా జిరాక్స్ లు, 6 ఫొటోలతో రావాలన్నారు. ఈ నెల 15వ తేదీ వరకు గడువు ఉందని, వివరాలకు 89854 31720 నంబర్లో సంప్రదించాలని తెలిపారు.
