ఈడెన్ గార్డెన్స్ వేదికగా కోల్‌కతా నైట్ రైడర్స్, ముంబై ఇండియన్స్ జట్ల మధ్య జరగాల్సిన మ్యాచ్‌కు వరుణుడు అడ్డు పడుతున్నాడు. మధ్యాహ్నం నుంచి కోల్‌కతాలో ఎడతెరిపి లేని వర్షం కురుస్తోంది. దీంతో మ్యాచ్ ఆలస్యం కానుంది.
సిబ్బంది మైదానాన్ని అంతటిని తెల్లటి కవర్లతో కప్పి ఉంచారు. వర్షం ఆగినా.. కవర్లపై నీరు నిలవడంతో స్టేడియాన్ని సిద్ధం చేసేందుకు ఎక్కువ సమయం పట్టేలా కనిపిస్తోంది. స్టేడియం పరిసరాల్లో ప్రేక్షకులు కూడా పెద్దగా కనిపించడం లేదు.
🚨 Update from Kolkata 🚨
— IndianPremierLeague (@IPL) May 11, 2024
The covers are on and toss has been delayed due to rain 🌧️
Stay tuned for further updates
Follow the Match ▶️ https://t.co/4BkBwLMkq0#TATAIPL | #KKRvMI pic.twitter.com/R5eazERsfr
నామమాత్రపు మ్యాచ్
ఒకవైపు కోల్‌కతా నైట్ రైడర్స్ తమ ప్లే ఆఫ్స్ బెర్త్‌ను ఖరారు చేసుకోగా, మరోవైపు ముంబై ఇండియన్స్ ఇప్పటికే టోర్నీ నుంచి వైదొలిగింది. దీంతో ఈ మ్యాచ్ నామమాత్రమే. ముంబై పరువు కోసం పాకులాడుతుండగా.. కోల్‌కతా విజయం సాధించి అగ్రస్థానాన్ని పదిలం చేసుకోవాలని చూస్తోంది.
ఇప్పటివరకూ 11 మ్యాచ్‌ల్లో 8 విజయాలు సాధించిన అయ్యర్ సేన పాయింట్ల పట్టికలో టాప్‌లో దూసుకెళ్తోంది. మరోవైపు హార్దిక్ పాండ్యా నాయకత్వంలోని ముంబై 12 మ్యాచ్‌ల్లో 4 విజయాలతో 9వ స్థానంలో ఉంది.
