- టెహ్రాన్, దాని చుట్టుపక్కల ఎయిర్ స్ట్రైక్
- పార్చిన్, ఖోజీర్ మిలిటరీ బేస్లలో దెబ్బతిన్న భవనాలు, కాంప్లెక్స్లు
- మిసైల్ ప్రోగ్రామ్కు కోలుకోలేని దెబ్బ
దుబాయ్: పశ్చిమాసియాలో ఉద్రిక్తత కొనసాగుతున్నది. అక్టోబర్1న జరిగిన దాడికి ఇరాన్పై ఇజ్రాయెల్ ప్రతీకార దాడికి దిగిన విషయం తెలిసిందే. టెహ్రాన్, దాని చుట్టుపక్కల ప్రాంతాల్లోని సైనిక స్థావరాలే లక్ష్యంగా ఎయిర్స్ట్రైక్స్తో ఇజ్రాయెల్ విరుచుకుపడింది. శనివారం తెల్లవారుజాము నుంచి దాదాపు 100 ఫైటర్జెట్స్తో మిసైల్, డ్రోన్ ఫెసిలిటీ సెంటర్లపై దాడికి దిగగా, ఇరాన్కు కోలుకోలేని దెబ్బ తగిలింది. టెహ్రాన్కు ఆగ్నేయాన ఉన్న రహస్య సైనిక స్థావరంలోని ఫెసిలిటీస్ దెబ్బతిన్నట్టు శాటిలైట్ చిత్రాల్లో కనిపించింది.
అలాగే, పర్చిన్ మిలిటరీ బేస్లో బిల్డింగ్లు ధ్వంసమైనట్టు ఉప గ్రహ చిత్రాలను విశ్లేషించిన యూఎన్ నిపుణులు పేర్కొన్నారు. ఇక్కడే గతంలో ఇరాన్ అణ్వాయుధ పరీక్షలు నిర్వహించినట్టు ఇంటర్నేషనల్ అటామిక్ ఎనర్జీ ఏజెన్సీ (ఐఏఈఏ) భావిస్తున్నది.
అలాగే, ఇజ్రాయెల్ దాడితో ఖోజీర్ మిలిటరీ బేస్సమీపంలోనూ భారీ విధ్వంసం సంభవించినట్టు తెలుస్తున్నది. ఇక్కడ బాలిస్టిక్ మిసైల్ కాంప్లెక్సులు దెబ్బతిన్నట్టు నిపుణులు భావిస్తున్నారు. దీంతో ఇరాన్క్షిపణి తయారీ సామర్థ్యంపై భారీ దెబ్బపడినట్టు చెబుతున్నారు. ఈ దాడితో ఇలాం, ఖుజెస్తాన్, టెహ్రాన్ ప్రావిన్స్లు ఎక్కువగా ప్రభావితమైనట్టు అధికారులు గుర్తించారు. ఇలాం ప్రావిన్స్లోని టాంగే బిజర్ నేచురల్ గ్యాస్ ప్రొడక్షన్ సైట్చుట్టూ పంట క్షేత్రాలు కాలిపోయినట్టు కనిపించాయి.
స్పందించని ఇరాన్, ఇజ్రాయెల్
పార్చిన్, ఖోజీర్లో జరిగిన నష్టాన్ని ఇరాన్ మిలిటరీ ధ్రువీకరించలేదు. ఎయిర్ డిఫెన్స్ సిస్టమ్లో పనిచేస్తున్న నలుగురు సైనికులు మృతిచెందినట్టు తెలిపింది. అదే సమయంలో ఈ విధ్వంసంపై యునైటెడ్ నేషన్స్ఇరాన్ మిషన్గానీ, ఇజ్రాయెల్ మిలిటరీగానీ స్పందించలేదు. ఇరాన్ చమురు పరిశ్రమ, అణువిద్యుత్ ప్లాంట్లపై ఇజ్రాయెల్ దాడి చేయలేదు.
మా లక్ష్యాలన్నీ సాధించాం: నెతన్యాహు
ఇరాన్పై జరిపిన దాడితో తమ లక్ష్యాలన్నీ సాధించామని ఇజ్రాయెల్ ప్రధాని నెతన్యాహు తెలిపారు. ‘‘ఇరాన్ దాడికి ప్రతీకారం తీర్చుకుంటామని మేం ప్రతిజ్ఞ చేశాం. అందులో భాగంగానే శనివారం దాడి చేశాం. అత్యంత కచ్చితత్వం, శక్తివంతమైన దాడులతో మా లక్ష్యాలన్నీ సాధించాం” అని తెలిపారు.
