- బిల్లులపై సంతకం చేయడానికి 15 వేల లంచం డిమాండ్
- రూ.6 వేలు తీసుకుంటూ పట్టుబడిన గుడికుంట తండా ఇరిగేషన్ ఏఈ
హనుమకొండ, వెలుగు: పనులకు బిల్లులు చెల్లించడానికి లంచం డిమాండ్ చేసిన పంచాయతీ స్పెషల్ ఆఫీసర్, ఇరిగేషన్ ఏఈ ఏసీబీకి చిక్కాడు. మాజీ సర్పంచ్ నుంచి రూ.6 వేలు తీసుకుంటుండగా ఏసీబీ రెడ్ హ్యాండెడ్గా పట్టుకుంది. జనగామ జిల్లా పాలకుర్తి మండలం గుడికుంట తండా పంచాయతీకి బానోత్ యాకూబ్ రెండు సార్లు సర్పంచ్గా పని చేశారు. పదవీకాలంలో బానోత్ యాకూబ్ పంచాయతీ ట్రాక్టర్ డీజిల్, ఇతర మెయింటెనెన్స్ కోసం రూ.1.27 లక్షలు ఖర్చు చేశాడు. వాటికి సంబంధించిన బిల్లులు గ్రామ కార్యదర్శి తయారు చేయగా, పంచాయతీ స్పెషల్ఆఫీసర్, ఇరిగేషన్ ఏఈ గుగులోత్ గోపాల్ కౌంటర్ సిగ్నేచర్ చేయాల్సి ఉంది.
దీంతో యాకూబ్...గోపాల్ను సంప్రదించగా సంతకం పెట్టడానికి రూ.15 వేలు డిమాండ్ చేశాడు. లంచం ఇవ్వడం ఇష్టం లేని యాకూబ్ ఏసీబీని ఆశ్రయించాడు. ఏఈ గోపాల్కు రూ.6 వేలు ఇచ్చేందుకు యాకూబ్ సోమవారం హనుమకొండకు వచ్చాడు. నక్కలగుట్ట ఎస్బీఐ వద్ద గోపాల్కు లంచం ఇస్తుండగా ఏసీబీ అధికారులు రెడ్ హ్యాండెడ్గా పట్టుకున్నారు. గోపాల్ను వరంగల్ ఏసీబీ కోర్టులో హాజరు పరచనున్నట్లు ఏసీబీ డీఎస్పీ పి.సాంబయ్య తెలిపారు.
