కోలీవుడ్ స్టార్ హీరో సూర్య హీరోగా నటించిన కంగువ సినిమా ఈరోజు (నవంబర్ 14) వరల్డ్ వైడ్ గ్రాండ్ గా రిలీజ్ అయ్యింది. అయితే ఈ సినిమాకి మంచి పాజిటివ్ టాక్ వచ్చింది. డైరెక్టర్ శివ స్క్రీన్ ప్లే, స్టోరీ నేరేషన్, సూర్య, బాబీ డియోల్ యాక్టివ్ ఇవన్నీ ఆడియన్స్ ని బాగానే ఆకట్టుకున్నాయని చెప్పవచ్చు. అయితే కంగువ సినిమా పాటలు బాగున్నపటికీ బీజీయం స్కోర్ విషయంలో మాత్రం ఆడియన్స్ కొంతమేర నిరాశకి గురైనట్లు తెలుస్తోంది. దీంతో సోషల్ మీడియాలో కంగువ సినిమా బీజీయంపై ట్రోల్స్ మొదలయ్యాయి.
అయితే కంగువ కి మ్యూజిక్ అందించిన దేవిశ్రీ ప్రసాద్ పుష్ప 2 సినిమాకి కూడా మ్యూజిక్ తో పాటూ బ్యాగ్రౌండ్ స్కోర్ అందిస్తున్నాడు. కానీ మూవీ మేకర్స్ దేవిశ్రీ ప్రసాద్ అందించిన బ్యాగ్రౌండ్ స్కోర్ తో పెద్దగా సంతృప్తిగా లేకపోవడంతో మరో ఫేమస్ మ్యూజిక్ డైరెక్టర్ తమన్ ని తీసుకున్నారు. అయితే కంగువ సినిమా చూసిన కొందరు అభిమానులు పుష్ప 2 కి తమన్ ని తీసుకోవడం మంచిదైందని కామెంట్లు చేస్తున్నారు. దీంతో ఈ విషయం సోషల్ మీడియాలో చర్చనీయాంశంగా మారింది.
ఈ విషయం ఇలా ఉండగా ఒకప్పుడు వరుస మ్యూజిక్ హిట్లు ఇచ్చిన దేవీశ్రీ ప్రసాద్ ఈమధ్య ఆశించిన స్థాయిలో ఆడియన్స్ ని అలరించలేక పోతున్నాడు. దీంతో మ్యూజిక్ లవర్స్ కొంతమేర డిజప్పాయింట్ అవుతున్నారు.
