ప్రముఖ రియాలిటీ గేమ్ షో అయిన బిగ్ బాస్ షోలో కంటెస్టెంట్ గా పాల్గొంటున్న గంగవ్వ తన ఆట తీరుతో ప్రేక్షకులను బాగానే అలరిస్తోంది. దీంతో గంగవ్వ ఎలిమినేషన్స్ నుంచి సులభంగా బయట పడుతోంది.
అయితే గంగవ్వ ఈ వారం బిగ్ బాస్ హౌస్ నుంచి ఎలిమినేట్ అవ్వబోతోందని పలు వార్తలు సోషల్ మీడియాలో బలంగా వైరల్ అవుతున్నాయి. ఇందుకు కారణాలు లేకపోలేదు. అయితే ఇటీవలే గంగవ్వపై జంతు హింసపై పలు సెక్షన్ల క్రింద జగిత్యాల పోలీసులు కేసు నమోదు చేశారు. ఈ కారణంగానే షో నిర్వాహకులు గంగవ్వ ని బిగ్ బాస్ హౌజ్ నుంచి ఎలిమినేట్ చేసి బయటికి పంపించారని కొందరు చర్చించుకుంటున్నారు.
కానీ ఈ విషయంపై ఎలాంటి అధికారిక ప్రకటన రాలేదు. అయితే గంగవ్వ గతంలో బిగ్ బాస్ 4 వ సీజన్ లో కంటెస్టెంట్ గా పాల్గొని బాగానే ఆకట్టుకుంది. కానీ అనారోగ్య సమస్యల కారణంగా బిగ్ బాస్లోకి వెళ్ళిన మొదటి వారంలోనే బయటికి వచ్చింది.
ALSO READ | రిలీజ్ కి ముందే కాంతార, కేజీయఫ్, లియో సినిమాల రికార్డులపై కన్నేసిన పుష్ప..
అయితే 2022 సంవత్సరం మే నెలలో తీసిన ఓ వీడియోలో చిలుకను ఉపయోగించడంతో జంతు సంరక్షణ కార్యకర్త గౌతమ్ పోలీసులకి ఫిర్యాదు చేశారు. దీంతో గంగవ్వతోపాటూ యూట్యూబర్ రాజుపై వైల్డ్ లైఫ్ కింద జగిత్యాల పోలీసులు కేసు నమోదు చేశారు. దీంతో ఇప్పటికే యూట్యూబర్ రాజు రూ.25000 జరిమానా కట్టినట్లు సమాచారం.
ఈ విషయం ఇలా ఉండగా గంగవ్వ మైవిలేజ్ షో ద్వారా గుర్తింపు తెచ్చుకుంది. ఈ క్రమంలో పలు షార్ట్ ఫిలిమ్స్ లో నటించి ప్రేక్షకులని బాగానే ఆకట్టుకుంది. దీంతో ఫేమ్ పొందడానికి వయసుతో సంబంధం లేదని గంగవ్వ నిరూపించింది.
