టాలీవుడ్ స్టార్ హీరో ఐకాన్ స్టార్ అల్లు అర్జున్ హీరోగా నటించిన పుష్ప 2 : ది రూల్ డిసెంబర్ 5న వరల్డ్ వైడ్ ఫ్యాన్ ఇండియా భాషల్లో గ్రాండ్ గా రిలీజ్ కాబోతోంది. ఈ సినిమాకి ప్రముఖ డైరెక్టర్ సుకుమార్ దర్శకత్వం వహించగా మైత్రీ మూవీ మేకర్స్ బ్యానర్ పై టాలీవుడ్ ప్రొడ్యూసర్స్ నవీన్ యెర్నేని, యలమంచిలి రవిశంకర్ కలసి సంయుక్తంగా నిర్మించారు.
అయితే పుష్ప 2 రిలీజ్ కి ముందే థియేట్రికల్, నాన్ థియేట్రికల్ కలిపి మొత్తం దాదాపుగా రూ.1065 కోట్లు బిజినెస్ చేసింది. తెలుగు సినిమా చరిత్రలో రిలీజ్ కి ముందే ఇంతపెద్ద మొత్తంలో ప్రీ బిజినెస్ జరగడం ఇదే తొలిసారి. అంతేగాకుండా ప్రపంచవ్యాప్తంగా దాదాపుగా 13500 స్క్రీన్స్ లో పుష్ప 2 రిలీజ్ కాబోతోంది. దీంతో ఈ సినిమాపై భారీ అంచనాలు నెలకొన్నాయి.
డైరెక్టర్ సుకుమార్ పుష్ప సినిమా కథని మొదటగా టాలీవుడ్ ప్రిన్స్ మహేష్ బాబుకి వినిపించాడట. అయితే మహేష్ కి కథ నచ్చినప్పటికీ పుష్ప సినిమాలో హీరో పాత్ర మాస్ ఓరియెంటెడ్ తరహాలో ఉండటంతో ఫ్యాన్స్ యాక్సప్ట్ చెయ్యరని భావించి సుకుమార్ కి నో చెప్పాడట. ఆ తర్వాత సుకుమార్ పుష్ప కథని బాలీవుడ్ బాద్ షా షారుఖ్ ఖాన్ కి వినిపించినప్పటికీ అక్కడ కూడా వర్కౌట్ కాలేదు.
దీంతో ఈ కథ అల్లు అర్జున్ దగ్గరికి వెళ్ళింది.అలాగే అల్లు అర్జున్ కెరీర్ ని మలుపు తిప్పింది. ఒకవేళ పుష్ప సినిమాలో మహేష్ హీరోగా నటించి ఉంటేమాత్రం రిజల్ట్స్ డిఫరెంట్ గా ఉండేదని నెటిజన్లు కామెంట్లు చేస్తున్నారు.
ఈ విషయం ఇలా ఉండగా పుష్ప: 2 సినిమాలో హీరోయిన్ గా కన్నడ బ్యూటిఫుల్ హీరోయిన్ రష్మిక మందాన నటిస్తుండగా యంగ్ హీరోయిన్ శ్రీలీల స్పెషల్ సాంగ్ లో నటిస్తోంది. మలయాళ నటుడు ఫహద్ ఫాజిల్, అజయ్, సునీల్, ధనుంజయ్(కన్నడ), అనసూయ తదితరులు ప్రధాన తారాగణంగా నటించారు.
