టాలీవుడ్ ప్రముఖ హీరో నాని "ది ప్యారడైస్" అనే సినిమాలో హీరోగా నటిస్తున్నాడు. ఈ సినిమాకి యంగ్ డైరెక్టర్ శ్రీకాంత్ ఓదెల దర్శకత్వం వహిస్తున్నాడు. ఆ మధ్య కొందరు గుర్తు తెలియని వ్యక్తులు ఈ సినిమా టైటిల్ పోస్టర్ ని లీక్ చేశారు. ఈ సినిమాని ప్రముఖ సినీ నిర్మాత సుధాకర్ చెరుకూరి నిర్మిస్తుండగా ఫేమస్ మ్యూజిక్ డైరెక్టర్ అనిరుధ్ రవిచందర్ మ్యూజిక్ అందిస్తున్నాడు.
టాలీవుడ్ సినీ వర్గాల సమాచారం కోసం ఈ సినిమాలో నెగిటివ్ షేడ్స్ ఉన్నటువంటి పాత్రకోసం సీనియర్ హీరోలు మంచు మోహన్ బాబు, శ్రీకాంత్, శరత్ కుమార్ తదితరుల పేర్లను పరిశీలిస్తున్నారట. ఇందులో ఇప్పటికే మోహన్ బాబుకి ది ప్యారడైస్ స్టోరీ వినిపించగా ఒకే చెప్పినట్లు సమాచారం. అంతేగాకుండా మంచు మోహన్ బాబు జనవరి నెలనుంచి హైదరాబాద్ లో జరగబోయే షూటింగ్ లో పాల్గొనబోతున్నట్లు తెలుస్తోంది. అయితే ఇప్పటివరకూ చిత్ర యూనిట్ మాత్రం ఈ విషయంపై ఎలాంటి క్లారిటీ ఇవ్వలేదు.
ALSO READ | పుష్ప 2 షూటింగ్ అప్డేట్: జర్నీ ముగిసిందంటూ అల్లు అర్జున్ ఎమోషనల్ ట్వీట్..
కెరీర్ ఆరంభంలో మోహన్ బాబు పలు నెగిటివ్ షేడ్స్ ఉన్నటువంటి పాత్రల్లో నాటికణహి ఆకట్టుకున్నాడు. కానీ క్రమక్రమంగా విలన్ గా నటించడం మానేశాడు. అయినప్పటికీ మోహన్ బాబు వెర్సటైల్ యాక్టర్ గా గుర్తింపు ఉండడంతో ఈ ఫేమ్ నని సినిమాకి బాగానే ఉపయోగపడుతుందని కొందరు నెటిజన్లు కామెంట్లు చేస్తున్నారు.
ఈ విషయం ఇలా ఉండగా ప్రస్తుతం మంచు మోహన్ బాబు తెలుగులో "కన్నప్ప" అనే సినిమాలో నటిస్తున్నాడు. మైథలాజికల్ బ్యాక్ డ్రాప్ లో తెరకెక్కుతున్న ఈ సినిమాని మోహన్ బాబు తనయుడు, మంచు విష్ణు నిర్మిస్తున్నాడు. ఇటీవలే కన్నప్ప చిత్రంలో మోహన్ బాబు మహాదేవ్ శాస్త్రి పాత్రలో నటిస్తున్నట్లు చిత్ర యూనిట్ పోస్టర్ రిలీజ్ చేశారు. ఈ సినిమాని ప్యాన్ ఇండియా భాషలలో వచ్చే ఏడాది సమ్మర్ కానుకగా ఏప్రిల్ 25న రిలీజ్ చేస్తున్నట్లు ప్రకటించారు.
