మలయాళ బ్యూటీఫుల్ హీరోయిన్ సాయి పల్లవి వరుస ఆఫర్లు దక్కించుకుంటూ దూసుకుపోతుంది. కాగా ఇటీవలే సాయి పల్లవి నటించిన అమరన్ రిలీజ్ అయ్యింది. ఈ సినిమాలో సాయి పల్లవి కార్గిల్ వార్ లో మరణించిన ఆర్మీ మేజర్ ముకుంద్ వరదరాజన్ భార్య ఇందు రెబెక్కా వర్గీస్ పాత్రలో నటించి మెప్పించింది. ఈ సినిమా బ్లాక్ బస్టర్ టాక్ తో దూసుకుపోతుంది. అయితే నటి సాయి పల్లవి తెలుగులో మరో ఆఫర్ దక్కించుకున్నట్లు సమాచారం.
తెలుగు ప్రముఖ డైరెక్టర్ పవన్ సాధినేని దర్శకత్వం వహిస్తున్న "ఆకాశంలో ఒక తార" అనే సినిమాలో సాయి పల్లవి ని హీరోయిన్ గా తీసుకున్నట్లు తెలుస్తోంది. అయితే ఈ సినిమాలో సాయి పల్లవి పాత్రకి మంచి స్కోప్ ఉండటం, స్క్రిప్ట్ నచ్చడంతో వెంటనే ఒకే చెప్పినట్లు సమాచారం. అయితే ఈ సినిమాలో మలయాళ స్టార్ హీరో దుల్కర్ సల్మాన్ హీరోగా నటిస్తుండగా, గీతా ఆర్ట్స్, స్వప్న సినిమాస్ కలసి సంయుక్తంగా నిర్మిస్తున్నాయి.
ALSO READ : ప్రేమిస్తే ఫేమ్ భరత్.. బ్లాక్ మ్యాజిక్‌‌‌‌‌‌‌‌ఫస్ట్ లుక్ రిలీజ్
ప్రస్తుతం సాయిపల్లవితో పాటూ దుల్కర్ కూడా ఇతర ప్రాజెక్టులతో బిజీగా ఉండటంతో వచ్చే ఏడాది ఈ సినిమా షూటింగ్ ప్రారంభం కానున్నట్లు సంచారం. అయితే గతంలో దుల్కర్ సల్మాన్, సాయి పల్లవి కలసి "కలి" అనే మలయాళ సినిమాలో నటించారు. ఈ సినిమా తెలుగులో హేయ్ పిల్లగాడా అనే టైటిల్ తో డబ్ అయ్యింది.
ఈ విషయం ఇలా ఉండగా ప్రస్తుతం సాయి పల్లవి సినిమా ఆఫర్ల విషయంలో ఆచితూచి నిర్ణయాలు తీసుకుంటోంది. ఈ క్రమంలో స్టార్ హీరోల సినిమాలకి మాత్రమే ఓకే చెబుతున్నట్లు సమాచారం. ప్రస్తుతం సాయి పల్లవి హిందీలో స్టార్ హీరో రణబీర్ కపూర్ నటిస్తున్న రామాయణం సినిమాలో నటిస్తోంది. అలాగే తెలుగులో నాగ చైతన్య హీరోగా నటిస్తున్న తండేల్ సినిమాలో నటించింది. ఈ సినిమా షూటింగ్ కంప్లీట్ చేసుకుని పోస్ట్ ప్రొడక్షన్ పనులు జరుగుతున్నాయి.
