టాలీవుడ్ ప్రముఖ డైరెక్టర్ సుకుమార్ డైరెక్ట్ చేస్తున్న పుష్ప 2 : ది రూల్ సినిమాపై భారీ అంచనాలు నెలకొన్నాయి. అయితే పుష్ప 1 లో సమంత నటించిన ఉ అంటావా.. ఉఊ అంటావా మావ స్పెషల్ సాంగ్ సూపర్ హిట్ అయ్యింది. దీంతో పుష్ప 2లోని స్పెషల్ సాంగ్ పై ఆసక్తి నెలకొంది. అయితే పుష్ప 2 లోని స్పెషల్ సాంగ్ కోసం బాలీవుడ్ స్టార్ హీరోయిన్ శ్రద్దా కపూర్ ని చిత్ర యూనిట్ సంప్రదించారట. దీంతో శ్రద్దా కపూర్ 5 నిమిషాల పాట కోసం దాదాపుగా రూ.5 కోట్లు రెమ్యునరేషన్ డిమాండ్ చేసినట్లు సమాచారం.
అయితే ఇంత పెద్ద మొత్తంలో రెమ్యునరేషన్ అడగటంతో బడ్జెట్ వర్కౌట్ కాదని చివరికి యంగ్ బ్యూటిఫుల్ హీరోయిన్ శ్రీలీలని కన్ఫర్మ్ చేసినట్లు టాలీవుడ్ సినీవర్గాలు చర్చించుకుంటున్నాయి. అయితే శ్రద్దా కపూర్ కి నార్త్ లో మంచి క్రేజ్ ఉంది. దీంతో ఆమె క్రేజ్ ని క్యాష్ చేసుకునేందుకు చిత్ర యూనిట్ ప్రయత్నించగా ఫలించలేనట్లు తెలుస్తోంది.
Also Read : తండేల్ రిలీజ్ డేట్ ఫిక్స్
ఈ విషయం ఇలా ఉండగా పుష్ప 2 డిసెంబర్ 6న ప్యాన్ ఇండియా భాషల్లో రిలీజ్ కాబోతోంది. కానీ లాంగ్ వీకెండ్ ఉండటంతో రిలీజ్ కంటే ఒకరోజు ముందే డిసెంబర్ 5న థియేటర్లలోకి రాబోతోంది. కాగా రిలీజ్ కి ముందే పుష్ప 2 ఇప్పటికే రూ.1100 కోట్లు ప్రీ రిలీజ్ బిజినెస్ చేసినట్లు ఇటీవలే నిర్మాతలు అధికారికంగా తెలిపారు. ఇందులో థియేట్రికల్ బిజినెస్ రూ.600 కోట్లు ఉండగా నాన్ థియేట్రికల్ బిజినెస్ రూ.420 కోట్లు ఉన్నట్లు ధృవీకరించారు.
