టాలీవుడ్ స్టార్ హీరో ఐకాన్ స్టార్ అల్లు అర్జున్ హీరోగా నటిస్తున్న పుష్ప 2 : ది రూల్ సినిమాపై భారీ అంచనాలు నెలకొన్నాయి. ఈ సినిమాకి స్టార్ డైరెక్టర్ సుకుమార్ దర్శకత్వం వహిస్తుండగా ప్రముఖ సినీ నిర్మాత నవీన్ యెర్నేని మైత్రీ మూవీయే మేకర్స్ బ్యానర్ పై నిర్మిస్తున్నాడు. అయితే పుష్ప 1 సినిమాలో సమంత నటించిన ఊ అంటావా.. ఊఉ అంటావా స్పెషల్ సాంగ్ సినిమా రిజల్ట్స్ పై మంచి ఇంపాక్ట్ చూపింది.
దీంతో ఇదే తరహాలో పుష్ప 2 లో కూడా స్పెషల్ సాంగ్ ప్లాన్ చేస్తున్నారు మేకర్స్. ఈ క్రమంలో బాలీవుడ్ స్టార్ హీరోయిన్ శ్రద్దా కపూర్ ని తీసుకున్నారని పలు వార్తలు బలంగా వినిపిస్తున్నాయి. కానీ శ్రద్దా కపూర్ పెద్ద మొత్తంలో రెమ్యునరేషన్ అడుగుతుందట. దీంతో బడ్జెట్ విషయంలో వర్కౌట్ కాకపోవడంతో శ్రద్దా కపూర్ ని పక్కన పెట్టేశారని టాక్ వినిపిస్తోంది.
అయితే టాలీవుడ్ సినీ వర్గాల సమాచారం ప్రకారం శ్రద్దా కపూర్ స్థానంలో యంగ్ బ్యూటిఫుల్ హీరోయిన్ శ్రీలీల ని తీసుకున్నట్లు తెలుస్తోంది. అలాగే సమంత మరియు శ్రీలీల ఇద్దరూ పుష్ప 2 లో స్పెషల్ సాంగ్ చేస్తున్నట్లు చర్చించుకుంటున్నారు. కానీ ఈ విషయంపై కూడా క్లారిటీ రావాల్సి ఉంది.
ఈ విషయం ఇలా ఉండగా ఈ చిత్రం డిసెంబర్ 6న రిలీజ్ చేస్తున్నట్లు చిత్ర యూనిట్ ప్రకటించారు. కానీ లాంగ్ వీకెండ్ కారణంగా ఒక రోజు ముందుగానే డిసెంబర్ 5న థియేటర్లలోకి రానుంది.
