హిడెన్ లేదా సీక్రెట్ కెమెరాలు ఆడపిల్లల, మహిళల భద్రత, ఆత్మగౌరవాలకి ముప్పు తెచ్చిపెడుతున్నాయి. మరీ ముఖ్యంగా హాస్టల్స్, హోటల్ రూమ్స్లో ఉండాల్సి వచ్చినప్పుడు మరింత జాగ్రత్తగా ఉండాలి. అందుకు సీక్రెట్ కెమెరాలు ఉన్నట్టు గమనించగలగాలి. అందుకు కొన్ని మార్గాలు ఉన్నాయి. వాటి గురించి అవేర్నెస్ ఉంటే చాలు సీక్రెట్ కెమెరాల పని పట్టొచ్చు అంటున్నారు సైబర్ ఎక్స్పర్ట్స్.
హిడెన్ కెమెరా ఉందా? లేదా? తెలియాలంటే చేతిలో స్మార్ట్ ఫోన్, ఆ ఫోన్లో కొన్ని యాప్స్ఉండాలి. అలాంటి యాప్స్లో కొన్నింటి గురించి...
హిడెన్ డివైజ్ డిటెక్టర్ : ఈ డిటెక్టర్తో హిడెన్ కెమెరాలను, స్పై డివైజ్లను కనిపెట్టొచ్చు. ఇది ఫోన్లోని కెమెరా, మ్యాగ్నెటిక్ సెన్సర్ ద్వారా హిడెన్ కెమెరాలను, ఇతర గాడ్జెట్స్ను కనిపెడుతుంది. ఈ యాప్ లే అవుట్ చాలా ఈజీగా అర్థమవుతుంది. వాడడం కూడా చాలా తేలిక. ఇందులో ఉండే సౌండ్, వైబ్రేషన్ అలర్ట్ సిస్టమ్ కూడా హిడెన్ కెమెరాలు ఉన్న ప్లేస్ను వెంటనే గుర్తించేందుకు సాయపడుతుంది.
స్పై కెమెరా ఫైండర్ : ఈ యాప్ కూడా హిడెన్ కెమెరాలు, ఇతర నిఘా పరికరాలను కనిపెట్టేందుకు పనికొస్తుంది. ఇది ఫోన్ కెమెరా, ఫ్లాష్ ద్వారా హిడెన్ కెమెరాలను డిటెక్ట్ చేస్తుంది. ఇది యూజర్ ఫ్రెండ్లీ యాప్. వైర్లెస్ కెమెరాలను కూడా గుర్తిస్తుంది. ఇందులో కూడా సౌండ్, వైబ్రేషన్ నోటిఫికేషన్ సిస్టమ్ ఉంది. దానిద్వారా హిడెన్ కెమెరాలున్న లొకేషన్ని పిన్ పాయింట్ చేసి అలర్ట్ చేస్తుంది.
యాంటీ స్పై కామ్ : ఈ యాప్ ఫోన్లోని కెమెరా, మ్యాగ్నెటిక్ సెన్సర్ వాడి హిడెన్ కెమెరాలు, ఇతర ఎక్విప్మెంట్స్ను గుర్తిస్తుంది. ఈ యాప్ యూజర్ ఫ్రెండ్లీ. లే అవుట్ అందరికీ అర్థం అవుతుంది. సౌండ్, వైబ్రేషన్ అలర్ట్స్ ఉంటాయి. అవే కాకుండా అనేక రకాల కస్టమైజ్డ్ ఆప్షన్స్ కూడా ఉంటాయి. అవి అవసరానికి తగ్గట్టు సెన్సిటివిటీని అడ్జస్ట్ చేసేందుకు ఉపయోగపడతాయి.
ఇటువంటి హిడెన్ కెమెరా డిటెక్షన్ యాప్స్లో కామన్గా మూడు ఫీచర్లు ఉంటాయి. అవి.. లైవ్ కెమెరా డిటెక్షన్, ఇన్ఫ్రారెడ్ కెమెరా డిటెక్షన్, మ్యాగ్నెటిక్ కెమెరా డిటెక్షన్. అవెలా పనిచేస్తాయంటే..
లైవ్ కెమెరా డిటెక్షన్ : ఈ యాప్స్లో రియల్ టైం కెమెరా డిటెక్షన్ అనేది పాపులర్ ఫీచర్. కెమెరా ఆన్ చేసి రూమ్ మొత్తాన్ని స్క్రీన్లో చూడాలి. హిడెన్ కెమెరా ఉంటే ఫోన్లో తెలిసిపోతుంది. అదెలాగంటే... హిడెన్ కెమెరా డిటెక్షన్ యాప్ ఫోన్ నుంచి వీడియో తీసుకుంటుంది. ఆ వీడియోలో హిడెన్ కెమెరాకు సంబంధించిన ఫ్లాష్, లైట్, విచిత్రమైన ఆకారాలు కనిపిస్తాయి.
ఇన్ఫ్రారెడ్ కెమెరా డిటెక్షన్ : ఇది హిడెన్ డిటెక్షన్ కెమెరా యాప్స్లో ఉండే మరో ఫీచర్. స్మార్ట్ ఫోన్లో ఉండే ఇన్ఫ్రారెడ్ సెన్సర్ వాడి రూమ్లో ఉన్న హిడెన్ కెమెరాలను గుర్తిస్తుంది. ఇన్ఫ్రారెడ్ కెమెరాలు ఒక ప్రత్యేకమైన వెలుగుని ప్రసరింపచేస్తాయి. ఆ వెలుగు కంటికి కనిపించదు. కానీ, ప్రత్యేకమైన సెన్సర్ల ఆధారంగా దాగి ఉన్న కెమెరాలను డిటెక్ట్ చేస్తాయి.
మాగ్నెటిక్ ఫీల్డ్ డిటెక్షన్ : కెమెరా ఎలక్ట్రానిక్ వస్తువు కాబట్టి అందులో ఉండే మాగ్నెటిక్ ఫీల్డ్ని ఈ ఫీచర్ కనిపెడుతుంది. రూమ్ మొత్తాన్ని స్మార్ట్ ఫోన్తో తనిఖీ చేస్తే.. మాగ్నెటిక్ ఫీల్డ్ అస్తవ్యస్తంగా ఉంటే కనుక అక్కడ హిడెన్ కెమెరా ఉన్నట్టే.
గడియారాలు, పవర్ బ్యాంక్లు, ల్యాంప్, ప్లగ్స్, పెన్స్, యూఎస్బీ, ఫొటో ఫ్రేమ్, డెకరేటివ్ ఐటెమ్స్లో హిడెన్ కెమెరాలను ఉంచే అవకాశం ఉంది.
గదిలోకి వెళ్లగానే లైట్స్ ఆపేసి చీకటిలోనే ఫోన్ కెమెరా ఆన్ చేసి గది మొత్తం చూడాలి. అప్పుడు ఏదైనా వెలుగు కనిపిస్తే అది హిడెన్ కెమెరా అని అనుమానిం చాల్సిందే.
కొన్ని రకాల హిడెన్ కెమెరాలు డాటా షేర్ చేయడానికి బ్లూటూత్ వాడతాయి. అది తెలుసుకునేందుకు ఫోన్లో స్కాన్ చేయొచ్చు. కొన్ని కెమెరాలు వైఫై నెట్వర్క్తో కూడా పనిచేస్తాయి. అది కూడా గమనించుకోవాలి.
కొన్ని థర్మల్ డిటెక్టర్ల ద్వారా కూడా హిడెన్ కెమెరాలను గుర్తించొచ్చు.
మీరు ఉన్న రూమ్ నుండి ఫోన్ కాల్ చేయండి. ఫోన్ మాట్లాడుతున్నప్పుడు ఏదైనా సౌండ్, వైబ్రేషన్ వంటివి వినిపిస్తే కెమెరాలు ఆ గదిలో దాక్కుని ఉన్నట్టే.
