టాలీవుడ్ రౌడీ విజయ్ దేవరకొండ VD12 వర్కింగ్ టైటిల్ తో తెరకెక్కుతున్న సినిమాలో హీరోగా నటిస్తున్నాడు. ఈ సినిమాకి నేషనల్ అవార్డు విన్నర్, డైరెక్టర్ గౌతమ్ తిన్ననూరి దర్శకత్వం వహిస్తుండగా ప్రముఖ సినీ నిర్మాత నాగవంశీ సితార ఎంటర్టైన్ మెంట్స్ బ్యానర్ పై నిర్మిస్తున్నాడు. సెమీ పీరియాడిక్ డ్రామా బ్యాక్ డ్రాప్ లో తెరకెక్కుతున్న ఈ సినిమాలో విజయ్ దేవరకొండ మరోసారి పవర్ఫుల్ రోల్ లో కంపించనున్నాడు. ఇటీవలే శ్రీలంకలో షూటింగ్ షెడ్యూల్ పూర్తి చేసుకుంది.
అయితే ఇప్పటికే ఈ సినిమా దాదాపుగా 60% శాతం షూటింగ్ పూర్తి చేసుకున్నప్పటికే విజయ్ కి జోడీగా నటించే హీరోయిన్ ఎవరనే విషయంపై క్లారిటీ రావాల్సి ఉంది.
టాలీవుడ్ సినీ వర్గాల సమాచారం ప్రకారం VD12 లో విజయ్ కి జోడీగా ఉప్పెన మూవీ ఫేమ్, యంగ్ బ్యూటీఫుల్ హీరోయిన్ కృతి శెట్టిని కన్ఫర్మ్ చేసినట్లు తెలుస్తోంది. గతంలో నేషనల్ క్రష్ రష్మిక మందాన ని హీరోయిన్ గా సెలెక్ట్ చేసినప్పటికీ ప్రస్తుతం రష్మిక ఇతర సినిమాలతో బిజీగా ఉండటంతో డేట్స్ కుదరడం లేదట.
దీంతో ఈ ఆఫర్ కృతి శెట్టి ని వరించినట్లు తెలుస్తోంది. అయితే కృతి శెట్టి ఉప్పెన తర్వాత రామ్ పోతినేని, నితిన్, నాగచైతన్య, తదితర స్టార్ హీరోలతో నటించినప్పటికే సరైన హిట్ పడలేదు. దీంతో టాలీవుడ్ లో ఆఫర్లు కరువయ్యాయి. మరి విజయ్ సినిమాతో మళ్ళీ కంబ్యాక్ ఇస్తుందేమో చూడాలి.
ఇక విజయ్ దేవరకొండ కూడా ఆమధ్య నటించిన లైగర్, ఫ్యామిలీ స్టార్ తదితర చిత్రాలతో ప్రేక్షకులను పెద్దగా అలరించలేకపోయాడు. దీంతో VD12తో హిట్ కొట్టాలని తీవ్రంగా శ్రమిస్తున్నాడు.
