ఏ ఇంట్లో చూసినా పొద్దున్నే లేవమని ఒకటే గోల. జీవితంలో సక్సెస్ అయినవాళ్లందరికీ ఉండే గొప్ప అలవాటు ఉదయాన్నే లేవడమే' అంటూ ఇంట్లో నాన్నల నుంచి స్కూల్ టీచర్ల దాకా అందరూ ఇదే మాట. అసలు ఈ ఉదయాన్నే లేవడం నిజంగా అందరికీ వర్తిస్తుందో, లేదో చుద్దాం. ‘‘యాపిల్ సీవోలు టిమ్ కుక్ స్టీవ్ జాల్స్, అమెరికా మాజీ ప్రెసిడెంట్ జార్జ్ బుష్, వీళ్లంతా ఉదయం ఐదు గంటలకన్నా ముందు లేచే అలవాటున్న వాళ్లు తెలుసా అందుకే వాళ్లంతా సక్సెస్ అవ్వగలిగారు" అని కొంత మంది అంటుంటే ‘‘ఓహో అలాగా! అయితే ఫేస్ బుక్ సీఈవో మార్క్ జుకర్ బర్గ్కు చాలా లేట్గా లేచే అలవాటుంది. మరి ఆయన సంగతి ఏంటి ఇలాంటోళ్లు కూడా కెరీర్లో సక్సెస్ అయిన పీపులే కదా!?” అని కొందరంటున్నారు.
అందరికి కాదు
ఉదయాన్నే నిద్ర లేవడం వల్ల ఎక్కువ సక్సెస్ అవుతారు. లక్ష్యాలు చేరుకోవచ్చు ఎవరైతే లేటుగా నిద్రలేస్తారో వాళ్లలో కాన్ఫిడెన్స్ లెవెల్స్ తక్కువగా ఉంటాయని ఇప్పటిదాకా చెప్తూ వచ్చారు. కానీ ఉదయాన్నే లేవడం అందరికీ వర్తించదని ఇప్పుడు కొన్ని అధ్యయనాలు చెబుతున్నాయి. సక్సెస్ అనేది మన సామర్థ్యాన్ని బట్టి ఉంటుంది. ఉదయాన్నే లేచిన ప్రతి ఒక్కరూ సక్సెస్ అవుతారని కాదు. రీసెర్చ్ల ప్రకారం చాలా మందికి రాత్రికి మరింత మెరుగ్గా పని చేస్తారట. మరికొంత మంది మధ్యాహ్నం బాగా చేయగలుగుతారంట.
గుడ్డిగా ఫాలో అవ్వొద్దు
ఉదయం లేవడం వల్ల యాక్టివ్ లేమని మనకు అనిపిస్తున్నా సరే.. అందరూ చెప్తున్నారని ఉదయాన్నే లేస్తుంటే మీకు మీరు ద్రోహం చేసుకుంటున్నట్లే. నిజానికి ఉదయాన్నే లేవడానికి ఎవరి పర్సనల్ రీజన్స్ వాళ్ళకి ఉంటాయి సీఈవోలు సెలబ్రిటీలు రోజు బోలెడు పసులు ఉంటాయి. వాళ్లకు కాస్త జిమ్ చేయడానికి మెయిల్స్ చూసుకోడానికి కూడా టైం ఉండదు. మరప్పుడు ఏంచేయాలి? కచ్చితంగా ఉదయం లేవాల్సిందే కదా. అందుకే అలా చేస్తుంటారు. దీన్ని అందరూ గుడ్డిగా ఫాలో ఇవ్వాల్సిన అవసరం లేదంటున్నారు సైకాలజిస్టులు.
ఒక్కొక్కరికి ఒక్కోలా..
చివరకి ఇప్పుడు చెప్పొచ్చేదేంటంటే. స్లీప్ స్పెషలిస్టులు ప్రకారం.. ఎవరో చెప్పారని.. కచ్చితంగా కోడికూతకు ముందే నిద్రలేవాలని పెట్టుకోకండి. బాడీ తీరుని, జీన్స్ని బట్టి ఒక్కొక్కరికి ఒక్కో టైం సూట్ అవుతుంది. అందుకే మీరు ఏ టైం లో బాగా పని చేయగలుగుతున్నారో కనిపెట్టండి. ఏ టైంలో చేస్తే రిజల్ట్ బాగుందని మీకనిపిస్తుందో దాన్ని బట్టి మీరే డిసైడ్ అవ్వండి ఎప్పుడు లెవలో..
త్వరగా నిద్ర లేవడం వల్ల..
1. ఉదయాన్నే నిద్ర లేచే అలవాటు ఉంటే వ్యాయామానికి సమయం కేటాయిస్తారు. దీనివల్ల బాడీ ఫిట్గా ఉంటుంది. రోజూ వ్యాయామం చేయడం వలన మానసికంగా, శారీరకంగా, ఆరోగ్యంగా ఉంటారు. ఒత్తిడి. డిసిషన్ లాంటి సమస్యలు వచ్చే అవకాశం ఉండదు.
2. ఆ లక్ష్యాలు ఏర్పరచుకోవడానికి, రోజువారీ ప్రణాళికలను సిద్ధం చేసుకోవడానికి సమయం ఉంటుంది కాబట్టి వారు విజయాలను సాధించడంలో కొంచెం ముందుంటారు.
ఆలస్యంగా నిద్ర లేవటం వల్ల..
1. సాఫ్ట్వేర్, కంప్యూటర్ ఉద్యోగస్తులు కంప్యూటర్లపై చాలా సమయం పని చేస్తారు. వారి కళ్ళు, మెదడు బాగా అలసిపోతాయి. ఇలాంటి వారికి 8 గంటల నిద్ర కావలసిందే.
2. మధ్యాహ్నం సమయంలో నిద్రించే కంటే ఉదయం వేళ అలస్యంగా లేచి రాత్రి వరకు పనులు చక్కబెట్టుకుంటే కూడా బాగానే వుంటుంది. మధ్యాహ్నం నిద్రపోయి లేస్తే అంతా డల్ గానే అనిపిస్తుంది.
3. పిల్లలకు 18 సంవత్సరాల వరకు 16 గంటల నిద్ర కావాల్సిందే. కనుక వారిని ఆరోగ్యం అంటూ అనవసరంగా బాధించకండి. వారికి కావలసినంత సమయం హాయిగా నిద్ర పోనివ్వండి.
