ముంబై ఇండియన్స్ ఆటగాడు ఇషాన్ కిషన్ను సన్ రైజర్స్ హైదరాబాద్ జట్టు కొనుగోలు చేసింది. మెగా వేలంలో రూ.11.25 కోట్లకు ఇషాన్ కిషన్ను ఎస్ఆర్హెచ్ దక్కించుకుంది. ఇషాన్ కిషన్ కోసం వేలంలో ఫ్రాంచైజ్లు పోటీ పడ్డాయి. ముందుగా ముంబై ఇండియన్స్, పంజాబ్ కింగ్స్, ఢిల్లీ క్యాపిటల్స్ మధ్య తీవ్ర పోటీ నడవగా.. చివర్లో ఎంట్రీ ఇచ్చిన ఎస్ఆర్హెచ్ అనుహ్యంగా ఇషాన్ కిషన్ను కొనుగోలు చేసింది. కాగా, ఐపీఎల్లో గత కొన్ని సీజన్లుగా ఇషాన్ కిషన్ ముంబై ఇండియన్స్ తరుఫున ఆడుతోన్న విషయం తెలిసిందే.
ముంబైలో కీలక ప్లేయర్గా మారిన ఇషాన్ను వచ్చే సీజన్ కోసం ఆ జట్టు రిటైన్ చేసుకోలేదు. జట్టు కూర్పులో భాగంగా ఇషాన్ కిషన్ను రిటైన్ చేసుకోకుండా వేలానికి వదిలింది. దీంతో ఆక్షన్లోకి వచ్చిన ఇషాన్ కిషన్ను సన్ రైజర్స్ హైదరాబాద్ కొనుగోలు చేసింది. మెగా వేలంలో ఇప్పటి వరకు ఎస్ఆర్హెచ్.. మహ్మద్ షమీ రూ.10 కోట్లు, ఇషాన్ రూ.11.25 కోట్లు, హర్షల్ పటేల్ రూ.8 కోట్లకు కొనుగోలు చేసింది.
