డెయిర్అల్బలాహ్: గాజా స్ట్రిప్పై ఇజ్రాయెల్మరోసారి విరుచుకుపడింది. ఇజ్రాయెల్డిఫెన్స్ఫోర్స్(ఐడీఎఫ్) శనివారం రోజంతా జరిపిన వైమానిక దాడిలో దాదాపు 20 మంది పాలస్తీనా ప్రజలు మృతిచెందారు. ఈమేరకు పాలస్తీనా ఆరోగ్య శాఖ అధికారులు వెల్లడించారు. ఇందులో ఐదుగురు చిన్నారులు ఉన్నట్టు తెలిపారు. గాజా నగరంలోని శరణార్థి శిబిరంలోని ఓ స్కూల్పై జరిపిన దాడిలో ముగ్గురు పిల్లలతో సహా ఎనిమిది మంది మరణించినట్టు వెల్లడించారు.
అలాగే, సెంట్రల్ సిటీ డెయిర్ అల్-బలాహ్‌‌‌‌లోని ఒక ఇంటిపై శనివారం అర్ధరాత్రి జరిగిన దాడిలో ముగ్గురు మహిళలు, ఇద్దరు పిల్లలతో సహా కనీసం 8 మంది మృతిచెందినట్టు చెప్పారు. శనివారం అర్ధరాత్రి దాటిన తర్వాత దక్షిణ నగరంలో ఖాన్ యూనిస్‌‌‌‌లో జరిగిన దాడిలో ఒక వ్యక్తి, అతని భార్య, గాజా నగరంలో కారుపై జరిగిన దాడిలో ఇద్దరు వ్యక్తులు కన్నుమూసినట్టు వెల్లడించారు.కాగా, ఆ ప్రాంతంలో ఉన్న హమాస్ మిలిటెంట్లను అంతమొందించేందుకే తాము దాడి చేసినట్టు ఇజ్రాయెల్ మిలిటరీ తెలిపింది.
గాజాలోకి వాటికన్రాయబారి ఎంట్రీ
హోలీ ల్యాండ్‌‌‌‌లోని క్యాథలిక్ చర్చి నాయకుడు కార్డినల్ పియర్‌‌‌‌బాటిస్టా పిజ్జబల్లాను గాజాలోకి ప్రవేశించడానికి, ఆ భూభాగంలోని క్రైస్తవ సంఘం సభ్యులతో ప్రిక్రిస్మస్ సమావేశం జరుపుకోవడానికి ఇజ్రాయెల్అధికారులు అనుమతించారు. దీంతో గాజా స్ట్రిప్లో అడుగుపెట్టిన ఆయన హోలీ ఫ్యామిలీ చర్చిలో డజన్ల కొద్దీ కుటుంబాలతో కలిసి సంబురాలు నిర్వహించారు. ఇదే సమయంలో గాజా అంతటా ఇజ్రాయెల్ ఎయిర్స్ట్రైక్స్ చేయడం గమనార్హం.
ఈ నేపథ్యంలో పిజ్జబల్లా మాట్లాడుతూ.. తాము వెలుగులు నింపేందుకు ఈ వేడుకలు నిర్వహిస్తామని, కానీ ఇక్కడ ఆ వెలుగులు ఏవని ప్రశ్నించారు. కాగా, గాజా స్ట్రిప్పై ఇజ్రాయెల్బాంబు దాడులకు దిగుతుండడంతో తమ రాయబారి ఆ గడ్డపై కాలుమోపలేకుపోతున్నారని పోప్ ఫ్రాన్సిస్ శనివారం వ్యాఖ్యానించారు. అక్కడ చిన్నారులు చనిపోతున్నారని, యుద్ధం కాదిది క్రూరత్వమని మండిపడ్డారు. ఆ మరుసటిరోజే ఇజ్రాయెల్అధికారులు వాటికన్రాయబారి పిజ్జబల్లాను గాజా స్ట్రిప్లోకి అనుమతించారు.
