డీర్ అల్ బలాహ్: గాజాపై ఇజ్రాయెల్ ఆర్మీ జరిపిన వైమానిక దాడుల్లో మొత్తం 12 మంది పాలస్తీనియన్లు చనిపోయారు. మృతుల్లో ఎక్కువ మంది మహిళలు, చిన్నారులు ఉన్నట్లు అధికారులు ప్రకటించారు. నార్తర్న్ గాజా జబాలియా ఏరియాలోని ఓ ఇంటిపై ఇజ్రాయెల్ వైమానిక దాడి చేసింది. దీంతో ఆ బిల్డింగ్ మొత్తం ధ్వంసమైంది. అక్టోబర్ నుంచి నార్తర్న్ గాజాపై ఇజ్రాయెల్ దాడులు ముమ్మరం చేసినట్లు గాజా హెల్త్ మినిస్టర్ తెలిపారు. ప్రజలు నివాసం ఉంటున్న బిల్డింగ్లు, హాస్పిటల్స్నే ఇజ్రాయెల్ లక్ష్యంగా చేసుకుంటున్నదని మండిపడ్డారు.
అమాయక ప్రజలను చంపేస్తున్నదని ఫైర్ అయ్యారు. జబాలియా ఏరియాపై జరిపిన దాడిలో ఏడుగురు పౌరులు చనిపోయారని, మృతుల్లో ఓ మహిళ, నలుగురు చిన్నారులున్నట్లు వివరించారు. 15 మంది వరకు గాయపడ్డారని తెలిపారు. సెంట్రల్ గాజాలోని బురీజ్ రెఫ్యూజీ క్యాంప్పైనా ఇజ్రాయెల్ దాడి చేసింది. ఈ అటాక్లో ఓ మహిళ, చిన్నారి చనిపోయారు. అప్రమత్తమైన అధికారులు.. రెఫ్యూజీ క్యాంప్లో ఉన్నవాళ్లను వేరేచోటికి తరలించారు. ఇటీవల పాలస్తీనియన్ మిలిటెంట్లు జరిపిన దాడులకు ఇజ్రాయెల్ ప్రతీకారం తీర్చుకుంటున్నది.
