గాజా: పాలస్తీనాలోని గాజాపై ఇజ్రాయెల్ జరిపిన ఎయిర్ స్ట్రైక్స్లో 20 మంది చనిపోయారు. మృతుల్లో పిల్లలు, మహిళలు ఉన్నారు. దాడుల్లో పెద్ద సంఖ్యలో గాయపడ్డారు. గాజాలో షెల్టర్హోమ్గా మార్చిన స్కూల్పై సోమవారం ఇజ్రాయెల్ ఫైటర్జెట్లు బాంబులు వేశాయని స్థానిక ఆసుపత్రి వర్గాలు వెల్లడించాయి.
హమాస్పై ఇజ్రాయెల్ యుద్ధం ప్రారంభించిన నెల రోజుల తర్వాత నుంచి ఈ స్కూల్ నిరాశ్రయులకు షెల్టర్హోమ్గా ఉంటున్నదని వారు తెలిపారు. అలాగే నుసైరత్ ప్రాంతంలో ఆదివారం రాత్రి కూడా బాంబు దాడులు జరిగాయని ఈ ఘటనలో ఇద్దరు మహిళలు మృతిచెందారని చెప్పారు. ఇజ్రాయెల్ దాడుల్లో మరణించిన వారి మృతదేహాలను నుసైరత్‌‌లోని అల్- అవ్దా ఆసుపత్రి, డీర్ అల్ బలాహ్‌‌లోని అల్-అక్సా అమరవీరుల ఆసుపత్రికి తరలించారు.
