స్పేస్ ఛాలెంజ్ తో భవిష్యత్ మిషన్ల కోసం రోబోటిక్ రోవర్ల వినూత్న ఆలోచనలు, డిజైన్ల రూపకల్పన కోసం యువతను ఇస్రో ఆహ్వానిస్తోంది. చంద్రుని ఉపరితలంపై చంద్రయాన్-3 విక్రమ్ విజయవంతంగా ల్యాండింగై.. చంద్రుని దక్షిణ ధ్రువం సమీపంలో అన్వేషణ తర్వాత, ISRO భవిష్యత్తులో చంద్రుడు, ఇతర ఖగోళ వస్తువులకు రోబోటిక్ అన్వేషణ మిషన్లకు సన్నద్ధమవుతున్నట్లు తెలిపింది.
''దీనికి అనుగుణంగా, UR రావు శాటిలైట్ సెంటర్ (URSC)/ISRO భారతదేశంలోని యువత నుంచి, వినూత్న ఆలోచనలు, రోబోటిక్ రోవర్ల రూపకల్పనలను భవిష్యత్ మిషన్ల కోసం అంతరిక్ష రోబోటిక్స్ ఛాలెంజ్ తో అభివృద్ధి అవకాశాలను అందించే లక్ష్యంతో కోరుతోంది. భాగస్వామ్య సంస్థలకు స్పేస్ రోబోటిక్స్ అండ్ ఇస్రో ఇంటర్‌ప్లానెటరీ మిషన్ల కోసం మన దేశంలోని యువతలో సృజనాత్మక ఆలోచనను పెంపొందించడానికి, స్పేస్ రోబోటిక్స్ లో విద్యార్థులకు అవకాశాన్ని అందించడానికి''' అని తెలిపింది. ఇస్రో రోబోటిక్స్ ఛాలెంజ్-URSC 2024 ( IRoC-U 2024).. ''లెట్స్ బిల్డ్ ఎ స్పేస్ రోబో'' అనే ట్యాగ్‌లైన్‌తో దీన్ని నిర్వహించనుంది.
ఈ ఛాలెంజ్‌లో ఇంజినీరింగ్ ప్రాజెక్ట్ ఉంటుంది. అక్కడ కొన్ని సంస్థాగత బృందాలు అంతరిక్ష రోబోటిక్స్ ఎదుర్కొనే నిజ జీవిత సవాళ్ల ఆధారంగా విధులను నిర్వర్తిస్తూ, ప్రేరేపిత రంగంలో పోటీ చేయడానికి రోబోట్‌లను తయారు చేస్తాయి. ''పూర్తి హార్డ్‌వేర్ అండ్ సాఫ్ట్‌వేర్ అభివృద్ధితో కూడిన 'వీల్డ్/లెగ్డ్ రోవర్' రూపకల్పన, సాకారం కోసం విద్యార్థులకు ఇదే ఆహ్వానం. IRoC-U 2024లో విద్యార్థులు అందించిన పరిష్కారాలు ISRO భవిష్యత్ ఇంటర్‌ప్లానెటరీ రోబోటిక్స్ మిషన్‌లలో చేర్చడానికి ఎక్కువ అవకాశం ఉంది” అని ISRO ప్రకటన తెలిపింది.
లక్ష్యాలు: అంతరిక్ష రోబోటిక్స్ ప్రాంతాన్ని అన్వేషించడానికి ఒక ప్రామాణిక వేదికను అందించడం; విద్యార్థి సంఘంలో స్పేస్ రోబోటిక్స్, దాని అప్లికేషన్ల గురించి లోతైన అవగాహనను పెంపొందించడం, అంతరిక్ష రోబోటిక్స్ రంగంలో అవసరమైన భవిష్యత్ సాంకేతికతలను (విద్యార్థులు, ఇస్రో)అభివృద్ధి చేయడం. అవసరమైన పనులను నిర్వహించడానికి చివరి ఆన్‌సైట్ పోటీని URSC బెంగళూరు క్యాంపస్‌లో ఆగస్టు 2024లో నిర్వహించాలని ప్లాన్ చేస్తోంది.
