భారత అంతరిక్ష పరిశోధన సంస్థ 100వ ప్రయోగానికి సిద్ధమైంది. శ్రీహరికోటలోని సతీశ్ ధవన్ అంతరిక్ష కేంద్రం(షార్)లోని రెండో లాంచ్ప్యాడ్ నుంచి 2500 కిలోల బరువున్న నావిక్–2(ఎన్వీఎస్) ఉపగ్రహాన్ని జీఎస్ఎల్వీ–ఎఫ్15 రాకెట్ ద్వారా 2025, జనవరి 29న ప్రయోగించనున్నది. ఈ ప్రయోగం ద్వారా ఎన్వీఎస్–02 ఉపగ్రహాన్ని జియోసింక్రనస్ ట్రాన్సఫర్ ఆర్బిట్లోకి ప్రవేశపెట్టనున్నది. దీని ద్వారా దేశీయ నావిగేషన్ వ్యవస్థ నావిక్ మరింత విస్తృతం కానున్నది. ఈ సిరీస్లో మరో మూడు ఉపగ్రహాలను ఈ ఏడాదిలోనే ప్రయోగించేందుకు ఇస్రో సిద్ధమవుతున్నది.
ప్రయోగం ప్రత్యేకతలు
- శ్రీహరికోటలో రాకెట్ కేంద్రం నిర్మించిన తర్వాత ఇస్రో చేపడుతున్న 100వ ప్రయోగం ఇది.
- నావిక్–2 ఉపగ్రహం నావిగేషన్ ఉపగ్రహాల సిరీస్ లో తొమ్మిదోది. నావిక్ సిరీస్ లో రెండోది. అయితే, నావిక్ సిరీస్లో మొదటిది ఎన్వీఎస్–01 ఉపగ్రహం. దీనిని జీఎస్ఎల్వీ–ఎఫ్12 రెకెట్ ద్వారా 2023లో ఇస్రో ప్రయోగించింది.
- జీఎస్ ఎల్వీ–ఎఫ్15 రాకెట్ జీఎస్ఎల్వీ సిరీస్లో 17వ ప్రయోగం.
- పూర్తి స్వదేశీ సాంకేతికతతో రూపొందించిన క్రయోజనిక్ ఇంజిన్తో 11వ ప్రయోగం.
