2022లో ఇస్రో తొలి ప్రయోగం విజయవంతం

భారత అంతరిక్ష పరిశోధన సంస్థ (ఇస్రో) కొత్త ఏడాదిలో చేపట్టిన తొలి ప్రయోగం సక్సెస్ అయింది. ఇవాళ ఉదయం ప్రయోగించిన పీఎస్ఎల్వీ సీ 52 విజయవంతంగా నింగిలోకి దూసుకెళ్లింది. 5 గంటల 9 నిమిషాలకు నింగిలోకి దూసుకెళ్లిన వాహక నౌక.. సక్సెస్ ఫుల్ గా మూడు ఉపగ్రహాలను కక్ష్యలో ప్రవేశపెట్టింది ఇస్రో. 18 నిమిషాల 31 సెకన్లలో శాటిలైట్స్ ని నిర్ణీత కక్ష్యల్లోకి చేర్చింది. ఏపీలోని నెల్లూరు జిల్లా శ్రీహరి కోట నుంచి ఈ ప్రయోగం జరిగింది. ఈ ఏడాదిలో ఇస్రోకు ఇదే ప్రయోగం. అలాగే ఇస్రో చైర్మన్ గా సోమనాథ్ బాధ్యతలు తీసుకున్నాక ఇది మొదటి ప్రయోగం. ఇస్రో విజయాశ్వం పీఎస్ఎల్వీ ద్వారా చేపట్టిన ప్రయోగాల్లో ఇది 54వ సక్సెస్. ఇవాళ ఉదయం చేపట్టిన ప్రయోగం ద్వారా ఆర్ఐశాట్-1, ఐఎన్ఎస్-2టీడీ, ఇన్ స్పైర్ శాట్-1 ఉపగ్రహాలను కక్ష్యలో చేర్చింది. వీటిలో 1710 కిలోల బరువైన ఆర్ఐశాట్-1 పదేళ్ల పాటు సేవలను అందించనుంది. వ్యవసాయం, అటవీ, జల వనరుల నిర్వహణకు సంబంధించిన విలువైన సమాచారాన్ని శాటిలైట్ ఇమేజింగ్ డేటా రూపంలో ఎప్పటికప్పుడు ఇస్రో కమాండ్ సెంటర్ కు పంపనుంది. 

భారత్, భూటాన్ కలిసి చేసిన శాటిలైట్

ఐఎన్ఎస్-2టీడీ శాటిలైట్ ను భారత్, భూటాన్ కలిసి రూపొందించాయి. ఈ ఉపగ్రహం లైఫ్ టైమ్ ఆరు నెలలు. భవిష్యత్తు సైన్స్, ప్రయోగాత్మక పేలోడ్స్ కోసం దీనిని డెవలప్ చేశారు. దీని బరువు 17.5 కిలోలు. ఇక ఇన్ స్పైర్ శాట్-1 ఉపగ్రహాన్ని దేశంలోని పలు యూనివర్సిటీల విద్యార్థులు కలిసి డెవలప్ చేశారు. తక్కువ భూకక్ష్యలో ఉండే ఈ ఉపగ్రహం అయానోస్పియర్ స్టడీ కోసం రూపొందించారు. ఏడాది పాటు ఇది సేవలను అందించనుంది.

మరిన్ని వార్తల కోసం..

సర్జికల్ స్ట్రైక్స్ పై నాకూ అనుమానాలున్నయ్

ఉద్యోగాల భర్తీలో కాంట్రాక్టు హెల్త్ స్టాఫ్​కు వెయిటేజీ

ఏప్రిల్ 1 నుంచి కేంద్ర నిధులు.. నేరుగా లబ్ధిదారులకే!