హైదరాబాద్, వెలుగు: ఐటీ కంపెనీ 'ఓపెన్‌‌‌‌టెక్స్ట్' తన ఆఫీసును హైదరాబాద్‌‌‌‌లో ఆరంభించింది. గచ్చిబౌలిలోని ఫీనిక్స్ టెక్ జోన్‌ అక్విలా టవర్ బీ వద్ద ఉన్న ఈ ఆఫీస్ నాలుగు అంతస్తులలో విస్తరించి ఉంది. ఈ సందర్భంగా ఓపెన్‌‌‌‌టెక్స్ట్ ఎగ్జిక్యూటివ్ వైస్ ప్రెసిడెంట్, చీఫ్ ప్రొడక్ట్ ఆఫీసర్ ముహి మజ్జౌబ్ మాట్లాడుతూ భారత్ సహా పలు దేశాల్లో తమకు ఆఫీసులు ఉన్నాయని తెలిపారు.
హైదరాబాద్ డెవలప్‌‌‌‌మెంట్ సెంటర్‌‌‌‌లోని ఇంజనీర్లు బిజినెస్ క్లౌడ్‌‌‌‌ల కోసం ప్రొడక్ట్ డెవలప్‌‌‌‌మెంట్ కార్యక్రమాలు చేపడుతారని చెప్పారు. భారతదేశంలో తాము ఏఐ, కంటెంట్, బిజినెస్ నెట్‌‌‌‌వర్క్, సైబర్‌ సెక్యూరిటీ, డెవలపర్, డెవ్‌‌‌‌ఓపీఎస్, ఐటీ ఆపరేషన్స్ క్లౌడ్‌‌‌‌లపై దృష్టి పెడుతున్నామని చెప్పారు.
