ముషీరాబద్, వెలుగు: ట్రావెల్స్ బస్సు.. బైక్ను ఢీకొట్టడంతో ఐటీ ఎంప్లాయ్ చనిపోయిన ఘటన దోమలగూడ పీఎస్ పరిధిలో జరిగింది. ఇన్స్పెక్టర్ శ్రీనివాస్ రెడ్డి తెలిపిన వివరాల ప్రకారం.. శామీర్పేటకు చెందిన ధార మనోజ్ కుమార్(27) హైటెక్ సిటీ ఏరియాలోని ఓ సాఫ్ట్వేర్ కంపెనీలో జాబ్ చేస్తున్నాడు.
శనివారం తెల్లవారుజామున 5 గంటలకు బైక్పై హైటెక్ సిటీ నుంచి శామీర్ పేటకు బయలుదేరాడు. ట్యాంక్బండ్ వద్ద సికింద్రాబాద్ నుంచి వస్తున్న ఓ ట్రావెల్స్ బస్సు ముందున్న బస్సును ఓవర్ టేక్ చేయబోయింది. ఈ క్రమంలో ఎదురుగా వస్తున్న మనోజ్ కుమార్ బైక్ను ఢీకొట్టింది.
ప్రమాదంలో తీవ్రంగా గాయపడ్డ అతడు అక్కడికక్కడే మృతి చెందాడు. పోలీసులు ఘటనా స్థలానికి చేరుకుని డెడ్బాడీని గాంధీకి తరలించారు. ప్రమాదానికి కారణమైన ట్రావెల్స్ బస్సు డ్రైవర్ ను అదుపులోకి తీసుకున్నారు. కేసు ఫైల్ చేసి దర్యాప్తు చేపట్టారు.
వెహికల్ ఢీకొని ఒకరికి గాయాలు
శంషాబాద్: వనపర్తి జిల్లా కొత్తకోటకు చెందిన దేవన్న (60) శనివారం శంషాబాద్కు వచ్చాడు. బెంగళూరు హైవేపై ఉన్న ద్వారకా హోండా షోరూం వద్ద రోడ్డు దాటుతున్నాడు. అదే టైమ్లో ఓ వెహికల్ అతడిని ఢీకొట్టి వెళ్లింది. ప్రమాదంలో తీవ్రంగా గాయపడ్డ అతడిని పోలీసులు హాస్పిటల్కు తరలించారు.
