- 2024 ఎన్నికల్లో భువనగిరి ఎంపీగా పోటీకి దింపాలని కేసీఆర్ యోచన
- మూడు నియోజకవర్గాల నేతలతో సంబంధాలు కలిగి ఉండడమే కారణం
- అదే జరిగితే నల్గొండ పార్లమెంట్ సీటు బీసీలకు ఖాయం
నల్గొండ, వెలుగు : యాదాద్రి డీసీసీ మాజీ ప్రెసిడెంట్ కుంభం అనిల్కుమార్రెడ్డికి బీఆర్ఎస్ హైకమాండ్ పార్లమెంట్సీటు ఆఫర్ చేసినట్లు తెలిసింది. సిట్టింగ్ఎమ్మెల్యే ఫైళ్ల శేఖర్ రెడ్డిని కాదని భువనగిరి ఎమ్మెల్యే టికెట్ఇచ్చే అవకాశం లేదు. దీంతో ఎంపీ టికెట్ హామీతోనే అనిల్రెడ్డి అధికార పార్టీలో చేరినట్లు బీఆర్ఎస్ సీనియర్ లీడర్ఒకరు ‘వెలుగు’తో చెప్పారు. ఇదే జరిగితే నల్గొండ ఎంపీ సీటు బీసీలకు ఇవ్వడం ఖాయమని ప్రచారం జరుగుతోంది.
ఎమ్మెల్సీ ఎన్నికలప్పుడే ఆహ్వానం..
లోకల్బాడీ ఎమ్మెల్సీ ఎన్నికలు, ఆ తర్వాత జరిగిన మునుగోడు ఎన్నికల టైంలో కూడా అనిల్ రెడ్డిని పార్టీలో ఆహ్వానించారు. ఈ మేరకు సీఎం కేసీఆర్ ఫాంహౌజ్‌లో చర్చలు జరిగినట్లు అప్పట్లో ప్రచారం జరిగినా.. అనిల్రెడ్డి దాన్ని కొట్టిపారేశారు. అయితే ఎంపీ కోమటి రెడ్డితో విబేధాల కారణంగా రెండు రోజుల కింద సీఎం కేసీఆర్, మంత్రి జగదీశ్ రెడ్డి సమక్షంలో గులాబీ కండువా కప్పుకున్నారు. డీసీసీఅధ్యక్షుడిగా అనిల్రెడ్డి అనుభవాన్ని దృష్టిలో పెట్టుకుని ఎంపీగా నిలబడితేనే బాగుంటుందని కేసీఆర్ భావించినట్లు తెలిసింది.
భువనగిరి, ఆలేరు, నకిరేకల్, మునుగోడు ప్రజలు, పార్టీ నాయకులతో అనిల్రెడ్డికి మంచి సంబంధాలు ఉన్నాయి. పైగా. ఎమ్మెల్యే ఫైళ్ల శేఖర్ రెడ్డితో వ్యాపార సంబంధాలు ఉండడం, ఆలేరు ఎమ్మెల్యే గొంగడి సునీత భర్త మహేందర్ రెడ్డి సమీప బంధువు కావడం కూడా అనిల్ రెడ్డికి కలిసొస్తుంది. ఇబ్రహీంపట్నం, జనగాం నియోజకవర్గాల్లో బీఆర్ఎస్ బలం కూడా ప్లస్‌ అవుతుంది.
బలమైన సామాజిక వర్గం
భువనగిరి పార్లమెంట్ నియోజకవర్గంలో బీసీ ఓటర్లతో పాటు, రెడ్డి సామాజికవర్గం బలంగా ఉంది. 2014లో బీసీ ప్రయోగం చేసిన బీఆర్ఎస్ తొలి విజయాన్ని అందుకుంది. కానీ, 2019లో బీసీల్లో అనైక్యత, రెడ్డి సామాజిక వర్గం కలిసికట్టుగా పనిచేయడంతో బూర నర్సయ్యగౌడ్ ఓడిపోయారు. అయితే ఈయన పార్టీ మారడంతో బీఆర్ఎస్కు బలమైన లీడర్ కరువయ్యారు. దీంతో బీఆర్ఎస్ హైకమాండ్ ఆర్థికంగా, సామాజికంగా బలంగా ఉన్న అనిల్ రెడ్డిని పార్టీలో చేర్చుకుందని తెలుస్తోంది.
ALSO READ :8 మంది ఐఏఎస్ల బదిలీ.. రాష్ట్ర ప్రభుత్వం ఉత్తర్వులు జారీ
నల్గొండ సీటు బీసీలకేనా?
బీఆర్ఎస్ ఇప్పటివరకు నల్గొండ ఎంపీ స్థానాన్ని గెలుచుకోలేదు. 2014, 201 9 ఎన్నికల్లోనూ ఓడిపోయింది. నల్గొండ సెగ్మెంట్లో కాంగ్రెస్, కమ్యూనిస్టులు బలంగా ఉండటంతో రెండుసార్లు విజయం దక్కలేదు. అయితే భువనగిరి రెడ్డి సామాజిక వర్గానికి ఇస్తే నల్గొండ బీసీలకు ఇస్తారనే టాక్ నడుస్తోంది. ఇప్పటికైతే ఎంపీగా పోటీ చేసే బలమైన బీసీ లీడర్ పార్టీలో లేరనే చెబుతున్నారు. కానీ, ఇప్పటికే ఆపరేషన్‌ ఆకర్ష్‌ మొదలుపెట్టిన బీఆర్ఎస్కు బీసీ లీడర్‌‌ను తెరపైకి తేవడం పెద్దపనేమీ కాదని తెలుస్తోంది. ఇక కాంగ్రెస్ రెండు ఎంపీ స్థానాలు రెడ్లకే ఇస్తోంది.
ఇదే ఫార్మూలాను బీఆర్ఎస్ పాటిస్తే గుత్తా సు ఖేందర్ రెడ్డి కొడుకు అమిత్ రెడ్డికి అవకాశం ఉందని సమాచారం. అమిత్ రెడ్డి ఎమ్మెల్యే టికెట్ కోసం గట్టిగానే ట్రై చేస్తున్నారు. ఛాన్స్ మిస్సయితే తండ్రి గుత్తా వారసుడిగా ఎంపీగా బరిలోకి దిగుతారని పార్టీ వర్గాలు చెబుతున్నారు. ప్రముఖ సినీన టుడు అల్లు అర్జున్ మామ వ్యాపార, విద్యా వేత్త కంచర్ల చంద్రశేఖర్ రెడ్డి కూడా ఎంపీగా పోటీ చేసేందుకు ఆసక్తి చూపిస్తున్నారు.
