ఘట్కేసర్, వెలుగు : రాష్ట్రంలోని ప్రతి పౌరుడికి ఉద్యోగ, ఉపాధి అవకాశాలు కల్పించాలనే లక్ష్యంతో ఉన్నామని ఐటీ శాఖ మంత్రి శ్రీధర్ బాబు తెలిపారు. మంగళవారం ఘట్కేసర్ మున్సిపల్ పరిధిలోని కొండాపూర్ లో ప్రభుత్వ బాలికల ఐటీఐ భవనాన్ని పీసీసీ ఉపాధ్యక్షుడు తోటకూర వజ్రేశ్ యాదవ్ తో కలిసి ప్రారంభించారు. కంప్యూటర్, ఇతర ల్యాబ్లను పరిశీలించారు. ఈ సందర్భంగా మంత్రి మాట్లాడుతూ.. రాష్ట్రంలోని ఐటీఐతోపాటు పాలిటెక్నిక్కాలేజీలను అభివృద్ధి చేయాలని ప్రభుత్వం నిర్ణయించిందన్నారు.
హిందుస్థాన్ ఏరోనాటిక్స్ సంస్థ సౌజన్యంతో రూ.8 కోట్లతో కొండాపూర్ లో ఐటీఐ బిల్డింగ్నిర్మించుకోవడం సంతోషంగా ఉందన్నారు. అనంతరం గురుకుల కాలేజీలో రూ.50 లక్షలతో నిర్మించనున్న అదనపు తరగతి గదుల భవన నిర్మాణానికి ఎమ్మెల్యే చామకూర మల్లారెడ్డి, మాజీ ఎమ్మెల్యే సుధీర్ రెడ్డి, వజ్రేశ్ యాదవ్ తో కలిసి మంత్రి శంకుస్థాపన చేశారు. కాలేజీ మైదానంలో సీఎం కప్ టోర్నమెంట్ను ప్రారంభించారు.
కార్యక్రమంలో మాజీ జిల్లా పరిషత్ చైర్మన్ మలిపెద్ది శరత్ చంద్రారెడ్డి, ఘట్కేసర్ మున్సిపల్ చైర్ పర్సన్ ఎం.పావని జంగయ్య యాదవ్, బి బ్లాక్ అధ్యక్షుడు మహేశ్ గౌడ్, మాజీ సర్పంచ్ యాదగిరి యాదవ్, కాంగ్రెస్ నాయకులు పాల్గొన్నారు.
