- శాసన మండలిలో ప్రతిపక్షాల ప్రశ్నలకు బదులిచ్చిన ప్రభుత్వం
హైదరాబాద్సిటీ, వెలుగు: హైదరాబాద్ మెట్రో రైళ్లలో ప్రయాణించే వారి సంఖ్య పెరుగుతున్నందన, దీనికి అనుగుణంగా ప్రస్తుతమున్న మూడు కోచ్ల స్థానంలో ఆరు కోచ్లు పెట్టి నడిపే విషయాన్ని ప్రభుత్వ పరిశీలిస్తోందని ఐటీ మంత్రి శ్రీధర్బాబు వెల్లడించారు. గురువారం శాసన మండలిలో సభ్యులు జీవన్రెడ్డి, అమీర్అలీఖాన్ అడిగిన ప్రశ్నకు మంత్రి సమాధానమిచ్చారు.
హైదరాబాద్ మెట్రో 3 కోచ్ల రైళ్లను నడపడానికి రెడీ చేశామన్నారు. వీటిని ఆరు కోచ్ల రైళ్లుగా నడపడానికి మార్పు చేయవచ్చన్నారు. కానీ హైదరాబాద్ మెట్రో డిజైన్ 8 కోచ్లను నడపడానికి అనుమతించదన్నారు. అన్ని ఇతర మెట్రోల లాగా కాకుండా హైదరాబాద్ మెట్రో పీపీపీ పద్ధతిన నిర్మించిన ప్రాజెక్టు అని గుర్తుచేశారు. హైదరాబాద్ మెట్రో అమలు, నిర్వహణ బాధ్యతలను ప్రైవేట్ కన్సెషనర్ఎల్అండ్ టీ చేపడుతోందన్నారు.
మరిన్ని ఐటీడీఏలను ఏర్పాటు చేస్తం: సీతక్క
రాష్ట్రంలోని మైదాన ప్రాంతాల్లో నివసిస్తున్న గిరిజనుల కోసం మరికొన్ని కొత్త ఐటీడీఏ(ఇంటిగ్రేటెడ్ ట్రైబల్ డెవలప్‌‌మెంట్ ఏజెన్సీ)లను ఏర్పాటు చేస్తామని గిరిజన సంక్షేమశాఖ మంత్రి సీతక్క వెల్లడించారు. ఈ మేరకు శాసన మండలిలో బీఆర్ఎస్ ఎమ్మెల్సీ కవిత అడిగిన ప్రశ్నకు సమాధానమిచ్చారు. ప్రస్తుతం 21 మైదాన ప్రాంతా జిల్లాలకు వర్తింపజేస్తూ హైదరాబాద్లోని ఐటీడీఏ ప్లెయిన్ ఏరియా పని చేస్తున్నదన్నారు. శ్రీశైలం ఐటీడీఏలో భాగమైన మన్ననూరు ఐటీడీఏను రాష్టం ఏర్పడిన తర్వాత ఏర్పాటు చేయగా..
ప్రస్తుతం నాగర్కర్నూల్, మహబూబ్నగర్ జిల్లాలతోపాటు చెంచులు నివసిస్తున్న వికారాబాద్, నల్గొండ, రంగారెడ్డి జిల్లాల్లో తమ కార్యకలాపాలను విస్తరించే విషయాన్ని కూడా పరిశీలిస్తున్నట్టు మంత్రి తెలిపారు. అలాగే, రాష్ట్రంలోని మైనారిటీల సంక్షేమానికి కాంగ్రెస్ ప్రభుత్వం కట్టుబడి ఉందని సీతక్క స్పష్టం చేశారు. ఇమామ్, మౌలానాలకు నెలకు రూ.5 వేలు చెల్లిస్తున్నట్టు తెలిపారు.
మూసీపై వరల్డ్ బ్యాంక్కు డీపీఆర్ ఇయ్యలే
మూసీ ప్రాజెక్టుకు అవసరమైన నిధుల కోసం వరల్డ్బ్యాంక్కు ఎలాంటి డీపీఆర్ ఇవ్వలేదని మంత్రి శ్రీధర్బాబు స్పష్టం చేశారు. బీఆర్ఎస్ ఎమ్మెల్సీ కవిత సభను తప్పుదోవ పట్టించేలా ఆరోపణలు చేస్తున్నారని ఆయన ఫైర్అయ్యారు. ఈ ప్రాజెక్టుకు సంబంధించి కన్సల్టెంట్ నియామకం జరిగిందని, 2.5% వడ్డీకే లోన్ ఇచ్చేందుకు వరల్డ్ బ్యాంక్ సిద్ధంగా ఉందన్నరు.
కానీ, గత బీఆర్ఎస్ ప్రభుత్వం పవర్ ఫైనాన్స్ కార్పొరేషన్ నుంచి 11.5% వడ్డీకి అప్పులు తీసుకొని, ప్రభుత్వంపై భారం మోపిందన్నారు. పదేండ్లలో ప్రపంచ బ్యాంకు నుంచి తక్కువ శాతం వడ్డీకి బీఆర్ఎస్ ఎందుకు రుణం తీసుకోలేదని నిలదీశారు. కవిత మాట్లాడుతూ, సెప్టెంబరులో వరల్డ్ బ్యాంక్కు లోన్ కోసం అప్లై చేసినప్పుడు ‘డీపీఆర్’ ఉన్నట్లు పేర్కొన్నారు కదా? అని అడగగా, అది డీపీఆర్ కాదని, డిజైన్ ఇంజినీరింగ్అని శ్రీధర్బాబు చెప్పారు.
