హైదరాబాద్ లో రెండు రోజులుగా టాలీవుడ్ ప్రముఖులు, వాళ్ల బంధువుల ఇళ్లు,ఆఫీసులపై ఐటీ సోదాలు కొనసాగుతున్నాయి. నిన్నటి నుంచి దిల్ రాజు, మైత్రీ మూవీస్, మ్యాంగో మీడియా సంస్థల కార్యాలయాలపై ఐటీ సోదాలు చేస్తోంది.
ఇవాళ (జనవరి 22) పుష్పా 2 డైరెక్టర్ సుకుమార్ నివాసంలో ఐటీ అధికారులు సోదాలు చేస్తున్నారు. ఎయిర్ పోర్టు నుంచి సుకుమార్ ను నేరుగా ఇంటికి తీసుకెళ్లారు ఐటీ అధికారులు. పుష్ఫ 2 సినిమాకు తీసుకున్న రెమ్యూనరేషన్ ,ఆదాయ వివరాలను ఆరాదీస్తున్నారు. వాటికి సంబంధించిన డాక్యుమెంట్లను పరిశీలిస్తున్నారు.
ప్రస్తుతం ఐటీ సోదాలు చేస్తున్న ఈ ప్రొడ్యూసర్స్ చిత్రాలు రీసెంట్ గా బ్లాక్ బస్టర్ సాధించాయి. దిల్ రాజు ప్రొడ్యూస్ చేసిన సంక్రాంతికి వస్తున్నాం మూవీ హిట్ కొట్టింది. అలాగే మైత్రీ మూవీస్ నిర్మించిన పుష్ఫ2 దేశ వ్యాప్తంగా కలెక్షన్ల సునామీ సృష్టించింది. ఈ సినిమాకు సుకుమార్ దర్శకత్వం వహించారు. ఈ క్రమంలోనే సుకుమార్ ఇంట్లో ఐటీ సోదాలు కొనసాగుతున్నాయి.
