యాదాద్రి, వెలుగు : బీఆర్ఎస్ లీడర్ చింతల వెంకటేశ్వర్రెడ్డి ఘర్ వాపసీకి సిద్ధమైనట్లు తెలుస్తోంది. బీఆర్ఎస్లో ప్రాధాన్యం దక్కడం లేదని అసంతృప్తితో ఉన్న ఆయన కాంగ్రెస్ వైపు చూస్తున్నారు. ఈ మేరకు పార్టీ పెద్దలతో చర్చలు జరుపుతున్నామని, అనుచరులతో మాట్లాడి నిర్ణయం తీసుకుంటామని బుధవారం ‘వెలుగు’తో చెప్పారు. తొమ్మిదేళ్లు బీఆర్ఎస్లో ఉన్న తనకు సీఎం కేసీఆర్ ప్రాధాన్యం ఇవ్వలేదని, ఎమ్మెల్సీ , ఎమ్మెల్యే టికెట్ఇస్తానని చెప్పి మాట తప్పారన్నారు. సీఎంతో మాట్లాడే ధైర్యం ఎవరికీ లేదని, కనీసం ఆయనను కలిసే అవకాశం కూడా దొరకదని చెప్పుకొచ్చారు.
మాజీమంత్రి మోత్కుపల్లి నర్సింహులు లాంటి లీడర్‌‌కే అపాయింట్మెంట్ లభించడం లేదని వాపోయారు. మండలి వైస్చైర్మన్గా నేతి విద్యాసాగర్రావుకు మూడేండ్లు కూడా అవకాశం ఇవ్వలేదని గుర్తు చేశారు. 2014లో తనకు కాంగ్రెస్ టికెట్రాకుండా కోమటిరెడ్డి రాజగోపాల్రెడ్డి అడ్డుకోవడంతోనే బీఆర్ఎస్లో చేరానని తెలిపారు.
ఉప ఎన్నికల్లో ఓటమి..
యాదాద్రి జిల్లా భువనగిరి మండలం అనంతారం గ్రామానికి చెందిన చింతల వెంకటేశ్వర్రెడ్డి రాజకీయ ప్రస్తానం ఎన్ఎస్ఐయూతో మొదలైంది. 1985 నుంచి 1995 వరకూ ఎన్‌ఎస్‌యూఐలో బాధ్యతలు నిర్వర్తించారు. అనంతరం యూత్కాంగ్రెస్లో కీలకంగా వ్యవహరించారు. 2000 నుంచి 14 ఏండ్ల పాటు కాంగ్రెస్లో కొనసాగిన చింతల భువనగిరి నియోజకవర్గానికి ఇన్చార్జ్గా వ్యవహరించారు. 2000లో భువనగిరి ఉప ఎన్నికల్లో పోటీ చేసి ఓడిపోయారు.
అప్పట్లోఆయన వైఎస్ రాజశేఖర్రెడ్డి సహా కాంగ్రెస్ ముఖ్యులతో మంచి సంబంధాలు ఉండేవి. తెలంగాణ ఏర్పడిన తర్వాత ఏ ఎన్నికల్లోనూ చింతలకు టికెట్ రాలేదు. దీంతో ఆయన బీఆర్ఎస్అభ్యర్థికి అనుకూలంగా వ్యవహరించారని ఆప్పట్లో ప్రచారం జరిగింది. 2014 జూలైలో ఆయన కాంగ్రెస్కు రాజీనామా చేసి బీఆర్ఎస్లో చేరారు.
టికెట్ ఆశించినా..
సిద్దిపేట మాజీ కలెక్టర్, ఎమ్మెల్సీ వెంకట్రామారెడ్డికి చింతల వెంకటేశ్వర్రెడ్డి దగ్గరి బంధువు. బీఆర్ఎస్లోని ముఖ్య లీడర్లతోనూ మంచి సంబంధాలు ఉన్నాయి. ప్రస్తుతం ఎమ్మెల్యే పైళ్ల శేఖర్రెడ్డిని వ్యతిరేకిస్తున్న చింతల భువనగిరి అసెంబ్లీ స్థానం నుంచి పోటీ చేస్తానని మీడియాలో పలుమార్లు స్టేట్మెంట్లు ఇచ్చారు. ఎమ్మెల్సీ ఇస్తానని లేకుంటే భువనగిరి అసెంబ్లీలో పోటీ చేయడానికి టికెట్ ఇస్తానని సీఎం కేసీఆర్ తనకు ప్రామిస్ చేశారంటూ చెప్పుకొచ్చారు. అయితే బీఆర్ఎస్లోచేరి తొమ్మిదేండ్లయినా.. ఎలాంటి ప్రాధాన్యమివ్వడం లేదన్న అసంతృప్తితో ఉన్నారు.
తాజాగా కాంగ్రెస్ నుంచి కుంభం అనిల్కుమార్ రెడ్డి బీఆర్ఎస్లో చేరడంతో ఎమ్మెల్యే శేఖర్రెడ్డితో కలిసి జోడెడ్లుగా పని చేయాలని సీఎం కేసీఆర్ సూచించారు. దీంతో భువనగిరి అసెంబ్లీ సీటు తనకు దక్కదని చింతల భావించినట్టు తెలుస్తోంది. దీంతో ఆయన తిరిగి తన మాతృసంస్థ కాంగ్రెస్లో చేరేందుకు సిద్ధమైనట్లు సమాచారం.
