- ఐటీడీఏ పీవో రాహుల్
- ఏజీహెచ్ ఆశ్రమ పాఠశాలల సందర్శన
భద్రాచలం, వెలుగు : గిరిజన విద్యార్థులకు ఇంగ్లీషు, మ్యాథ్స్ ల్లో కనీస సామర్థ్యాలను పెంచాలని ఐటీడీఏ పీవో బి.రాహుల్ టీచర్లకు సూచించారు. శుక్రవారం ఆయన దుమ్ముగూడెం మండలంలోని రామచంద్రునిపేట, రేగుపల్లి ఏజీహెచ్ ఆశ్రమ పాఠశాలలను సందర్శించారు. వారి సామర్థ్యాలను పెంచేందుకు ప్రవేశపెట్టిన ఉద్దీపకం వర్క్ బుక్స్, వేదిక్ మ్యాథ్స్ ల్లో చిన్నారుల ప్రతిభను టెస్ట్ చేశారు.
క్లాసులో ఆయన స్వయంగా కూర్చుని టీచర్లు చెప్పే పాఠాలను విన్నారు. క్లాసులో చెప్పినవి హాస్టల్లో ప్రాక్టీస్ చేయించాలని టీచర్లకు సూచించారు. ల్యాబ్లను తనిఖీ చేశారు. మౌలిక వసతులకు సంబంధించిన రిపేర్లకు నిధులు కావలిస్తే ప్రతిపాదనలు పంపించాలని చెప్పారు.
