పాల్వంచ రూరల్, వెలుగు : ఉమ్మడి జిల్లాలోని క్రీడాకారులు జాతీయ స్థాయిలో రాణించాలని ఐటీడీఏ పీవో బి.రాహుల్ సూచించారు. పాల్వంచ పట్టణ పరిధిలోని శ్రీనివాస కాలనీ మినీ స్టేడియంలో ఆదివారం జిల్లా యువజన క్రీడలశాఖ ఆధ్వర్యంలో నిర్వహించిన అథ్లెటిక్స్ ఆర్చరీ క్రీడా పోటీలను ఆయన ప్రారంభించారు. ఈ సందర్భంగా పీవో మాట్లాడుతూ ఈనెల 29న మేజర్ ధ్యాన్చంద్ ఒలంపిక్ హాకీ క్రీడాకారుడు
జన్మదినం సందర్భంగా ఈ క్రీడలను ఏర్పాటు చేయడం అభినందనీయమన్నారు. స్టూడెంట్స్ చదువుతోపాటు క్రీడ రంగంలో కూడా రాణించాలని సూచించారు. ఈ కార్యక్రమంలో అథ్లెటిక్స్ అసోసియేషన్ సెక్రటరీ మహిందర్, ఆర్చరీ కోచ్ కళ్యాణ్, నాగేందర్, ఇమామ్, యుగంధర్ రెడ్డి తదితరులు పాల్గొన్నారు.
