- ఐటీడీఏ పీవో బి.రాహుల్
భద్రాచలం, వెలుగు : టూరిస్టులు సందర్శించడానికి ట్రైబల్ మ్యూజియాన్ని ముస్తాబు చేస్తున్నామని, టూరిస్టులను రప్పించేందుకు సకల సదుపాయాలు కల్పించాలని ఐటీడీఏ పీవో బి.రాహుల్ అధికారులను ఆదేశించారు. ట్రైబల్ మ్యూజియం పనులను సిబ్బందితో కలిసి శుక్రవారం ఆయన తనిఖీ చేశారు. సోలార్ లైట్ల ఏర్పాటు గురించి ఆరా తీశారు.
పిల్లలు ఆడుకునేందుకు వీలుగా అన్ని రకాల క్రీడాపరికరాలు సిద్ధం చేయాలన్నారు. స్టాల్స్, ఆదివాసీ వంటల తయారీ ప్రాంతాల వద్ద శానిటేషన్ పనులు చేపట్టాలని గ్రామపంచాయతీ ఈవో శ్రీనివాస్ను ఆదేశించారు. పటిష్టమైన భద్రతను కల్పించాల్సిన బాధ్యత సిబ్బందిపై ఉందని సూచించారు. ఏపీవో జనరల్ డేవిడ్రాజ్, ఈఈ చంద్రశేఖర్ తదితరులు పీవో వెంట ఉన్నారు.
సోలార్తో మోటార్ల ద్వారా సాగునీటి సప్లై
భద్రాద్రికొత్తగూడెం : సోలార్తో మోటార్ల ద్వారా సాగునీటికి వాటర్ను వినియోగించుకోవడం అభినందనీయమని ఐటీడీఏ పీవో రాహూల్ పేర్కొన్నారు. లక్ష్మీదేవిపల్లి మండలం బొజ్జలగూడెం, లక్ష్మీపురం, బంగారు చెలక గ్రామాల్లోని రైతులు సోలార్ ద్వారా మోటార్లను నడుపుతూ సాగు చేస్తున్న భూములను శుక్రవారం ఆయన పరిశీలించారు. సోలార్ను ఉపయోగించి మోటార్ల ద్వారా రెండు పంటలు పండించుకుంటూ గిరిజనులు ఆదర్శంగా నిలుస్తున్నారన్నారు.
