భద్రాచలం, వెలుగు : ఈనెల 17న శ్రీరామనవమి సీతారాముల కల్యాణం, 18న మహాపట్టాభిషేకానికి వచ్చే భక్తులకు సౌకర్యాలు కల్పించేందుకు స్పెషల్ ఆఫీసర్లను నియమించామని ఐటీడీఏ పీవో ప్రతీక్ జైన్ తెలిపారు. శ్రీరామనవమి ఏర్పాట్లపై ఆయన శుక్రవారం టెలీకాన్ఫరెన్స్ నిర్వహించారు. స్పెషల్ ఆఫీసర్లు వారి విధులు సక్రమంగా నిర్వర్తించాలని సూచించారు. వైద్య, ఆరోగ్యశాఖ ఎంతో కీలకంగా పనిచేయాలని, అవసరమైనన్ని మెడికల్ క్యాంపులు తప్పనిసరిగా ఏర్పాటు చేయాలన్నారు. పూర్తి స్థాయిలో సిబ్బంది
మందులు, ఓఆర్ఎస్ ప్యాకెట్లు సిద్ధం చేసుకోవాలని చెప్పారు. పాలిచ్చే తల్లులకు అవసరమైన ఏర్పాట్లు చూడాలన్నారు. క్లీన్ భద్రాద్రిని గ్రామపంచాయతీ బాధ్యతగా తీసుకోవాలని కోరారు. రౌండ్ ది క్లాక్ సిబ్బందితో వీధులన్నీ శుభ్రం చేయించాలని చెప్పారు. సమాచార కేంద్రాలు, చలివేంద్రాలు, వాటర్, మజ్జిగ ప్యాకెట్లు పంపిణీకి సిద్ధం చేయాలని సూచించారు. భద్రాచలంతో పాటు పర్ణశాలలో కూడా మరుగుదొడ్లు ఎక్కువగా నిర్మించాలన్నారు.
అధికారులు, సిబ్బంది సమన్వయంతో పనిచేస్తేనే వేడుకలు సక్సెస్ అవుతాయని చెప్పారు. ఈ టెలీ కాన్ఫరెన్స్లో ఈవో రమాదేవి, భద్రాచలం ఆర్డీవో దామోదర్, డీఎంహెచ్వో శిరీష, ఆర్డబ్ల్యుఎస్ ఈఈ తిరుమలేశ్తదితరులు పాల్గొన్నారు.
