భద్రాచలం,వెలుగు : అవగాహన లోపంతో పెట్టుబడులు పెట్టి, వివిధ స్కీంలు కట్టి నష్టపోవద్దని ఉద్యోగులకు ఐటీడీఏ పీవో ప్రతీక్జైన్ సూచించారు. ఐటీడీఏ కార్యాలయంలో శుక్రవారం యూనిట్ ఆఫీసర్లు, ఉద్యోగులకు బ్యాంకర్లతో ఆయన అవగాహనా సదస్సు నిర్వహించారు. కొందరు ఉద్యోగులు స్కీమ్లలో డబ్బులు పెట్టి, ఇతర పెట్టుబడులు పెట్టి నష్టపోతున్నట్లు తమ దృష్టికి వచ్చిందని, అందుకే నిపుణులైన బ్యాంకర్లతో ఈ సదస్సును పెట్టినట్లు వివరించారు.
ఉద్యోగ విరమణ తర్వాత కొందరికి పెన్షన్ కూడా రాని పరిస్థితులు నెలకొన్నాయన్నారు. ఆర్థిక క్రమశిక్షణను పాటించాలని సూచించారు. డబ్బును ఏ విధంగా పొదుపు చేయాలి, కాలపరిమితికి సంబంధించిన అంశాలను పవర్ ప్రజంటేషన్ ద్వారా సిబ్బందికి అవగాహన కల్పించారు.
