ఇండియాలోనే అత్యంత చవకైన 5జీ స్మార్ట్ ఫోన్ itel P55 ఇప్పుడు మార్కెట్లోకి వచ్చింది. మీడియా టెక్ డైమెన్సిటీ ప్రాసెసర్, 8 జీబీRAM, 50 MP రియర్ కెమెరా, 8MP ఫ్రంట్ కెమెరా, 5000 mAh బ్యాటరీతో రెండు కలర్లతో ఈ స్మార్ట్ ఫోన్ అందుబాటులోకి వచ్చింది.
ఐటెల్ పీ55 ధర, ఆఫర్లు
రెండు కలర్లలో ఈ స్మార్ట్ ఫోన్ అందుబాటులో ఉంది. బ్లూ, గ్రీన్ కలర్ ఆప్షన్లలో ఐటెల్ పీ55 స్మార్ట్ ఫోన్‌ను కొనుగోలు చేయొచ్చు. 8 జీబీ ర్యామ్ + 128 జీబీ స్టోరేజ్‌తో వచ్చిన ఈ స్మార్ట్ ఫోన్ ధర రూ.9,999గా ఉంది. దీనిపై బ్యాంక్ ఆఫర్ కూడా ఉంది. ఎస్‌బీఐ క్రెడిట్ కార్డు ద్వారా ఈ ఫోన్ కొనుగోలు చేస్తే రూ.999 తగ్గింపు లభించనుంది. అంటే తొమ్మిది వేలకే దీన్ని కొనుగోలు చేయొచ్చు.
ఐపీల్ పీ55 ఫీచర్స్..
ఐపీల్ పీ55లో 6.6 అంగుళాల హెచ్‌డీ+ డిస్‌ప్లేను అందించారు. డ్యూయల్ నానో సిమ్ కార్డులను సపోర్ట్ చేసే ఈ స్మార్ట్ ఫోన్ డిస్‌ప్లే 60 హెర్ట్జ్ రిఫ్రెష్ రేట్‌ను సపోర్ట్ చేయనుంది. మీడియాటెక్ డైమెన్సిటీ 6080 ప్రాసెసర్‌పై ఐటెల్ పీ55 పని చేయనుంది. 8 జీబీ ర్యామ్, 128 జీబీ స్టోరేజ్ ఇందులో ఉన్నాయి. స్టోరేజ్‌ను మైక్రో ఎస్‌డీ కార్డు ద్వారా 256 జీబీ వరకు పెంచుకునే ఆప్షన్ ఉంది.
