- మాల సంఘాల జేఏసీ హెచ్చరిక
ఖైరతాబాద్, వెలుగు: అంబేద్కర్పై పార్లమెంటులో అనుచిత వాఖ్యలు చేసిన కేంద్ర హోం మంత్రి అమిత్షాను మంత్రిమండలి నుంచి బర్తరఫ్ చేయాలని కేంద్ర ప్రభుత్వాన్ని మాల సంఘాల జేఏసీ డిమాండ్ చేసింది. అంబేద్కర్ పై తాను చేసిన వ్యాఖ్యలకుఅమిత్షా ఇప్పటి వరకూ క్షమాపణ చెప్పలేదని, వెంటనే ఆయన క్షమాపణ చెప్పాలంది. ఆయనపై ప్రధాని నరేంద్ర మోదీ ఎందుకు చర్యలు తీసుకోలేదని ప్రశ్నించింది. కేంద్రం వైఖరికి నిరసనగా ఈ నెల 6న రాష్ట్రంలోని బీజేపీ ఆఫీసులన్నింటినీ ముట్టడించాలని దళిత సంఘాలు, అంబేద్కర్ వాదులు, బీసీ సంఘాలకు జేఏసీ పిలుపునిచ్చింది.
లక్షల మందితో బీజేపీ స్టేట్ఆఫీసును ముట్టడిస్తామని హెచ్చరించింది. జేఏసీ ఆధ్వర్యంలో శుక్రవారం సోమాజిగూడ ప్రెస్క్లబ్లో నిర్వహించిన సమావేశంలో జేఏసీ నాయకులు జి.చెన్నయ్య, మందాల భాస్కర్, బూర్గుల వెంకటేశ్వర్లు, మన్నె శ్రీధర్, చెరుకు రాంచందర్మాట్లాడారు. పార్లమెంటులో అంబేద్కర్పై అనుచితంగా మాట్లాడి ప్రపంచవ్యాప్తంగా ఉన్న దళిత సమాజాన్ని అమిత్ షా కించపరిచారని విమర్శించారు. ఆయనపై మోదీ చర్యలు తీసుకోకపోతే రాజ్యాంగాన్ని అవమానించినట్లేనని అన్నారు. రాజ్యాంగం వల్లే అమిత్షా కు మంత్రిపదవి దక్కిందన్నారు. ఈ సమావేశంలో గోపోజు రమేశ్, రాజు వస్తాద్, బేరా బాలకిషన్, జంగ శ్రీనివాస్ తదితరులు పాల్గొన్నారు.
