భద్రాద్రికొత్తగూడెం, వెలుగు : పెండింగ్లో ఉన్న స్కాలర్ షిప్స్, ఫీజు రీయింబర్స్మెంట్ బకాయిలను ప్రభుత్వం వెంటనే చెల్లించాలని వామపక్ష విద్యార్థి సంఘాల జేఏసీ నేతలు డిమాండ్ చేశారు. కొత్తగూడెంలోని యూటీఎఫ్ భవన్లో వామపక్ష విద్యార్థి సంఘాల ఆధ్వర్యంలో మంగళవారం నిర్వహించిన రౌండ్ టేబుల్ సమావేశంలో వారు మాట్లాడారు. బకాయిలు భారీగా పేరుకుపోతుండడంతో స్టూడెంట్స్ ఇబ్బందులు పడుతున్నారన్నారు.
స్టూడెంట్స్కు సర్టిఫికెట్స్ఇవ్వకుండా కాలేజీల యాజమాన్యాలు వేధిస్తున్నాయని ఆరోపించారు. ఇప్పటికైనా ప్రభుత్వం స్పందించి బకాయిలు విడుదల చేయాలని, లేకపోతే ఆందోళనలు చేపడుతామని హెచ్చరించారు. ఈ సమావేశంలో పీడీఎస్యూ జిల్లా కార్యదర్శి కాంపాటి పృథ్వి, ఎస్ఎఫ్ఐ జిల్లా కార్యదర్శి బి. వీరభద్రం, ఏఐఎస్ఎఫ్ జిల్లా కార్యదర్శి ఫహీం, పీడీఎస్యూ చంద్రన్న, వర్గా జిల్లా కార్యదర్శి గణేశ్తో పాటు విద్యార్థి సంఘాల నేతలు పార్థసారథి, సాయి కుమార్, రాంచరణ్, ఉపేందర్ పాల్గొన్నారు.
