- బోర్డు అధ్యక్షుడికి జేఏసీ సభ్యులు విజ్ఞప్తి
సికింద్రాబాద్, వెలుగు : కంటోన్మెంట్బోర్డు ఎన్నికలు నిర్వహించాలని జేఏసీ సభ్యులు కోరారు. సోమవారం బోర్డు అధ్యక్షుడు బ్రిగేడియర్ ఎన్వీఎన్ నంజుండేశ్వర్, స్థానిక ఎమ్మెల్యే శ్రీగణేశ్, సీఈఓ మధుకర్ నాయక్ను కలిసి వినతి పత్రం అందజేశారు.ఈ సందర్భంగా జేఏసీ నేత తేలుకుంట సతీశ్గుప్తా మాట్లాడుతూ.. చివరిసారిగా 2015 జనవరి 11న బోర్డు ఎన్నికలు జరిగాయని గుర్తుచేశారు.
అప్పటి నుంచి ఎన్నికలు నిర్వహించకపోవడం కరెక్ట్కాదన్నారు. అభివృద్ధి జరగాలంటే రాజ్యాంగ స్ఫూర్తితో ఐదేళ్లకోసారి ఎన్నికలు నిర్వహించాలన్నారు. కేంద్రం జోక్యం చేసుకొని వెంటనే కంటోన్మెంట్ బోర్డు ఎన్నికలు నిర్వహించాలని సతీశ్డిమాండ్ చేశారు. ఆయన వెంట బోర్డు మాజీ ఉపాధ్యక్షుడు జైప్రకాశ్, శ్యాంసన్ రాజు, బీఎన్ శ్రీనివాస్, బొట్టు ప్రభాకర్, సరిత, యాసిన్ తదితరులు ఉన్నారు.
