వెల్గటూర్, వెలుగు: బీఆర్ఎస్ ప్రభుత్వ హయాంలో ఎంపీటీసీలకు నిధులు ఇవ్వలేదని, వారిని కనీసం పట్టించుకోలేదని అంబారిపేట ఎంపీటీసీ జాడి సుజాత ఆరోపించారు. వెల్గటూర్ మండల కేంద్రంలో గురువారం కాంగ్రెస్, ఇండిపెండెంట్ ఎంపీటీసీలు ప్రెస్ మీట్ నిర్వహించారు. ఈ సందర్భంగా ఆమె మాట్లాడుతూ గతంలో ఎంపీపీపై 10 మంది ఎంపీటీసీలు అవిశ్వాసానికి సంతకాలు చేశారని, కానీ నాటి మంత్రి అధికార బలంతో, వెనక్కి తీసుకునేలా చేశారన్నారు.
ధర్మపురి ఎమ్మెల్యే అడ్లూరి లక్ష్మణ్ కుమార్, వెల్గటూర్ మాజీ ఎంపీపీ శ్రీనివాసరావుపై బీఆర్ఎస్లీడర్ల ఆరోపణలను ఖండించారు. కాంగ్రెస్ మండల అధ్యక్షుడు శైలేందర్ రెడ్డి, సర్పంచ్ గెల్లుశేఖర్, లీడర్లు మురళి గౌడ్, రాజేశం, శ్రీకాంత్ రావు, రమేశ్‌, పాల్గొన్నారు.
