గ్లోబల్ స్టార్ రామ్ చరణ్ RC16 అనే వర్కింగ్ టైటిల్ తో తెరకెక్కుతున్న సినిమాలో హీరోగా నటిస్తున్న విషయం తెలిసిందే. ఈ సినిమాకి ఉప్పెన మూవీ ఫేమ్ బుచ్చిబాబు సాన దర్శకత్వం వహిస్తున్నాడు. రామ్ చరణ్ కి జోడీగా దేవర మూవీ ఫేమ్ జాన్వి కపూర్ నటిస్తోంది. అలాగే కన్నడ స్టార్ హీరో హీరో శివ రాజ్ కుమార్ కీలకపాత్రలో నటిస్తుండగా ఎఆర్ రెహమాన్ సంగీతం అందిస్తున్నాడు. టాలీవుడ్ ప్రముఖ సినీ నిర్మాణ సంస్థ మైత్రీ మూవీ మేకర్స్ నిర్మిస్తోంది. ఇటీవలే కర్ణాటకలోని మైసూరులో RC16 షూటింగ్ ప్రారంభమైంది.
శుక్రవారం ఈ సినిమాకి సంబందించిన ఇంట్రెస్టింగ్ అప్డేట్ ఇచ్చారు చిత్ర యూనిట్. ఇందులోభాగంగా టాలీవుడ్ వెర్సటైల్ యాక్టర్ జగపతి బాబు ఈ సినిమాలో ఇంపార్టెంట్ రోల్ లో నటిస్తున్నట్లు తెలిపారు. అయితే గతంలో రామ్ చరణ్ హీరోగా నటించిన రంగస్థలం సినిమాలో జగపతిబాబు విలన్ రోల్ లో నటించాడు. ఈ సినిమా బ్లాక్ బస్టర్ హిట్ అయ్యింది. దీంతో ఈ హిట్ కాంబో మళ్ళీ రిపీట్ అవుతుండటంతో RC16 కూడా హిట్ అవుతుందని ఫ్యాన్స్ కామెంట్లు చేస్తున్నారు.
అయితే మొదటి ఇన్నింగ్స్ లో హీరోగా అలరించిన జగపతిబాబు కొంతకాలం తర్వాత ఆఫర్లు లేక ఇబ్బంది పడ్డాడు. కానీ సెకెండ్ ఇన్నింగ్స్ లో నెగిటివ్ షెడ్స్ పాత్రలు చేస్తూ బాగానే క్లిక్ అయ్యడాని చెప్పవచ్చు. ఈ క్రమంలో సీనియర్ హీరోలకి విలన్ల కొరత ఉండటంతో ఈ అంశం కూడా జగపతి బాబుకి బాగానే కలసి వచ్చింది. దీంతో ప్రస్తుతం వరుస ఆఫర్లు దక్కించుకుంటూ మోస్ట్ బిజీయెస్ట్ యాక్టర్ గా రాణిస్తున్నాడు.
Team #RC16 welcomes the incredibly talented @IamJagguBhai on board for a commanding character that will impress one and all ❤🔥#RamCharanRevolts
— Mythri Movie Makers (@MythriOfficial) November 22, 2024
Global Star @AlwaysRamCharan @NimmaShivanna #JanhviKapoor @BuchiBabuSana @arrahman @RathnaveluDop @artkolla @vriddhicinemas… pic.twitter.com/5alIVa6440
ఇక డైరెక్టర్ బుచ్చిబాబు విషయానికొస్తే ఉప్పెన సినిమా హిట్ అవ్వడంతో తన రెండో సినిమానే ఏకంగా రామ్ చరణ్ తో తీసే ఆఫర్ దక్కించుకున్నాడు. అయితే ఈ సినిమా కథ కోసం దాదాపుగా 5 ఏళ్లు కష్టపడినట్లు గతంలో చెప్పాడు. మరి ఉప్పెనతో ఆకట్టుకున్న బుచ్చిబాబు RC16తో ఎలా అలరిస్తాడో చూడాలి.
