- రుణమాఫీపై చర్చకు మేం సిద్దం..
- కేసీఆర్ను తీసుకువచ్చే కెపాసిటీ ఉందా..?
- పీసీసీ వర్కింగ్ప్రెసిడెంట్జగ్గారెడ్డి ఫైర్
హైదరాబాద్: రుణమాఫీపై హరీష్ రావు ఢిల్లీ లో ధర్నా చేస్తామని బ్లాక్మెయిల్చేస్తుండని హరీశ్ఢిల్లీలో ఫ్లయిట్ దిగే లోపే తాను కేసీఆర్ ఫామ్ హౌజ్ ముందు ధర్నాకు కూర్చుంటానని పీసీసీ వర్కింగ్ప్రెసిడెంట్జగ్గారెడ్డి సవాల్విసిరారు. పదేళ్లు రైతులను మోసం చేసిన కేసీఆర్ ఫామ్హౌస్దగ్గర దీక్ష చేస్తానని రాసిపెట్టుకోమని మాజీ మంత్రిపై ఫైర్అయ్యాడు.
హరీశ్దొంగ దీక్షలను ప్రజలు నమ్మేపరిస్థితి లేరన్నారు. కేసీఆర్కుటుంబానికి రాహుల్గాంధీ ఇంటి ముందు ధర్నా చేసే హక్కు లేదన్నారు.ఇవాళ ( అక్టోబర్ 5, 2024 ) గాంధీభవన్లో ప్రెస్మీట్లో ఆయన మాట్లాడుతూ.. రుణమాఫీ కోసం ఆగస్టులో ప్రభుత్వం రూ. 18 వేల కోట్లను మంజూరు చేసిందని తెలిపారు. రుణమాఫీ కోసం ఇంకో రూ. 12 వేల కోట్లు ఇవ్వాల్సి ఉందన్నారు. ’ చిన్న చిన్న సమస్యలతో రుణమాఫీ ఆగింది.
బీఆర్ఎస్ అధికారంలో ఉన్నప్పుడు ఎనిమిది కిస్తీల్లో లక్ష రూపాయలు కూడా రుణమాఫీ చేయలేకపోయారు. కాంగ్రెస్ అధికారంలోకి వచ్చిన కొన్ని నెలల్లోనే మేం రుణమాఫీ చేశాం. దీనిపై చర్చకు నేను సిద్దం. .. రుణమాఫీపై చర్చకు మల్లిగాడు, ఎల్లిగాడు కాకుండా కేసీఆర్ రావాలి. కేసీఆర్ను ఒప్పించి చర్చకు తీసుకువచ్చే కెపాసిటీ హరీశ్రావు కు ఉందా.? కేసీఆర్ ను హరీశ్రావు చర్చకు తీసుకువస్తే సీఎంను ఒప్పించి తీసుకువస్త. మాతో చర్చకు మీకు భయంగా ఉంటే.. సిద్దిపేటలోనే చర్చ పెట్టిండి.. మేము సిద్దమే.. రుణమాఫీ విషయంలో పబ్లిసిటీ చేయడంలో మేము ఫేయిల్ అయ్యాం. కానీ, బీఆర్ఎస్ మాత్రం పబ్లిసిటీలో పాస్ అయ్యింది’ అని జగ్గారెడ్డి అన్నారు.
