గల్ఫ్ ఏజెంట్ మోసంతో ఇరాక్ లో చిక్కుకున్న జగిత్యాల యువకుడు..

గల్ఫ్ ఏజెంట్ మోసంతో జగిత్యాల జిల్లాకు చెందిన యువకుడు ఐరాక్ లో చిక్కుకున్నాడు. జగిత్యాల జిల్లా సారంగాపూర్ మండలానికి చెందిన అజయ్ అనే యువకుడు ఇరాక్ దేశంలో చిక్కుకొని స్వదేశానికి రాలేక తీవ్ర ఇబ్బంది పడుతున్నాడు. ఈ మేరకు అజయ్ పంపిన సెల్ఫీ వీడియో సోషల్ మీడియాలో వైరల్ గా మారింది. ఏజెంట్ కు సుమారు రూ. 3 లక్షలు చెల్లించి మోసపోయానంటూ రోదిస్తున్నాడు అజయ్.

Also Read :- పడుకున్న భార్యను సుత్తితో కొట్టి చంపిన భర్త

14 నెలలుగా పనిలేక ఒక్కపూటే తింటున్నానని, అక్కడి అధికారులు పాస్ పోర్ట్ తీసుకోవటంతో స్వదేశానికి రాలేక తీవ్ర ఇబ్బంది పడుతున్నానంటూ ఆవేదన వ్యక్తం చేస్తున్నాడు అజయ్. తనని ఎలాగైనా ఇండియాకు రప్పించాలంటూ సెల్ఫీ వీడియోలో కోరుకుంటున్నాడు అజయ్.