సూర్య(Suriya) ప్రధాన పాత్రలో వచ్చిన ‘జైభీమ్’(Jai Bhim) సినిమా విమర్శకుల ప్రశంసలందుకున్న సంగతి తెలిసిందే. ఇందులో గిరిజన యువతిగా మెప్పించిన నటి లిజోమోల్ జోస్ (Lijomol Jose). న్యాయం కోసం పోరాడే మహిళగా ఆమె పాత్ర సినిమాకు హైలెట్గా నిలిచింది. పూర్తిస్థాయి డీ గ్లామరస్ రోల్లో కనిపించి మెప్పించింది.
గతంలో సిద్ధార్థ్ హీరోగా వచ్చిన ‘ఒరేయ్ బామ్మర్థి’లోనూ కీ రోల్ చేసింది. ఇప్పుడు మరో ఇంట్రెస్టింగ్ మూవీలో జోస్ నటిస్తోంది. తమిళంలో విభిన్న సినిమాలతో పాపులర్అయిన నటుడు శశికుమార్తో ఈ బ్యూటీ సినిమా చాన్స్ కొట్టేసింది. 1990 బ్యాక్డ్రాప్లో ఓ థ్రిల్లింగ్ స్టోరీని ప్రేక్షకుల ముందుకు తేనున్నట్టు మూవీ టీం తెలిపింది. ఈ మూవీని సత్యశివ డైరెక్ట్ చేస్తున్నాడు. విజయగణపతి పిక్చర్స్‌పై పాండియన్ పరశురామ్ ఈ చిత్రాన్ని నిర్మిస్తున్నారు. ప్రస్తుతం ఈ తమిళ సినిమా షూటింగ్ జరుగుతోంది.
లిజోమోల్ జోస్..అంటే ఎవరా..అని కాసేపు ఆలోచిస్తారు. కానీ, జై భీమ్ లో ‘సినతల్లి’ అంటే మాత్రం టక్కున గుర్తొచ్చేస్తుంది. ‘‘ఆమె నటన, ఎక్స్ప్రెషన్స్, నేచురాలిటీ...వావ్! వాట్ ఏ పర్ఫార్మెన్స్..అనకుండా ఉండలేరు. అంత బాగా నటించింది ఆ సినిమాలో. మీడియాలో పనిచేసిన లిజో..అనుకోకుండానే సినిమాల్లోకి వచ్చింది. కాకపోతే ఏ రంగంలోనైనా రాణించగల సత్తా ఉంటే..ఇక వెనక్కి తిరిగి చూసుకోనక్కర్లేదని నిరూపించింది. దీంతో వరుస అవకాశాలు అందిపుచ్చుకుంటూ సినిమాల్లో రాణిస్తుంది. .
