అమెజాన్ ప్రైమ్లో రిలీజైన వన్ ఆఫ్ ది బెస్ట్ క్రైమ్ థ్రిల్లర్ సిరీస్ పాతాల్ లోక్ (Pathal Lok ). ఈ సిరీస్ 2020లో వచ్చి ఆడియన్స్ని మెస్మరైజ్ చేసింది. ఒక్కో షాట్ ఒక్కో థ్రిల్లింగ్ వావ్ మూమెంట్ ఇస్తుంది. ఇపుడు ఈ సిరీస్ సీజన్ 2 కోసం ఓటీటీ ఆడియన్స్ చాలా కాలంగా ఎదురుచూస్తున్నారు. ఇక ఈ 2025 కొత్త ఏడాది ఆ థ్రిల్లింగ్ని పెంచడానికి వస్తోంది.
సంక్రాంతి కానుకగా జనవరి 17న సీజన్ 2 ప్రైమ్లో స్ట్రీమింగ్ కానుంది. ఈ సందర్భంగా మేకర్స్ తాజాగా టీజర్ రిలీజ్ చేశారు. టీజర్ మరిన్ని అంచనాలు పెంచేసింది. 2 నిమిషాల పాటు సాగిన టీజర్ మొత్తంలో.. సిరీస్1లో లీడ్ రోల్ పోషించిన జైదీప్ అహ్లావతే కనిపిస్తాడు. అతను చెప్పే థియరీ ప్రేక్షకుల మైండ్కి పదునుపెట్టేలా ఉంది.
టీజర్ఎలా ఉంది:
లిఫ్ట్లో వెళుతున్న అతను ( జైదీప్ అహ్లావతే) ఓ కథ చెప్పాలా అని స్టార్ట్ చేసి.. ఒక్క ముక్కలో చెప్పిన థియరీ ఆసక్తి రేపుతోంది. "ఓ ఊళ్లో ఓ వ్యక్తి ఉంటాడు.. అతనికి పురుగులంటే అసహ్యం. ప్రపంచంలోనే అన్ని జాడ్యాలకు అవే కారణమని అతడు నమ్ముతాడు. ఒకరోజు అతని ఇంట్లోనే మూలకు ఓ పురుగు కనిపించింది. అది అందరినీ కుట్టింది. కానీ అతడు ఎలాగోలా దానిని చంపేశాడు. రాత్రికి రాత్రే హీరో అయిపోయాడు. కానీ అంతటితో కథ ముగియలేదు. కొన్ని వందల, వేల, లక్షల పురుగులు పుట్టుకొచ్చాయి. పాతాళ్ లోక్ అంటే ఒక్క పురుగే ఉంటుందా అంటూ జైదీప్ అహ్లావతే చెబుతూ ఉండటం థ్రిల్లింగ్ అయ్యేలా చేస్తోంది. దర్శకుడు సుదీప్ శర్మ తెరకెక్కించిన ఈ సిరీస్ ఎలాంటి క్రైమ్ అంశాలతో రానుందో చూడాలి.
పాతాల్ లోక్ సిరీస్1 కథ:
హాతీరామ్ చౌదరి(జైదీప్ అహ్లావత్).. 20 ఏల్ల అనుభవం గల ఇన్ స్పెక్టర్. అతని చేతికి ప్రముఖ జర్నలిస్ట్ సంజీవ్ మెహ్రా(నీరజ్ కాబి) హత్య కేసు వస్తుంది. కెరీర్ లో మొదటి హైప్రొఫైల్ కేసు కావడంతో.. తన సబార్డినేట్ అన్సారీ(ఇష్వక్ సింగ్)తో కలిసి దర్యాప్తు చేయడం ప్రారంభిస్తాడు. కేసు విచారణలో సంచలన విషయాలు వెలుగులోకి వస్తాయి. దాని వెనుక పెద్ద రాజకీయ కుట్రే ఉందని తెలుసుకుంటాడు. ఆ హత్యా ఎవరు, ఎందుకు చేశారు? మధ్యలో CBI ఎందుకు ఇన్వాల్వ్ అయ్యింది? కేసు చివరకు ఎం జరిగింది అనేది మిగిలిన కథ.
