న్యూఢిల్లీ: ఆదివాసీలకు బీజేపీ తీవ్ర అన్యాయం చేస్తున్నదని కాంగ్రెస్ ఆరోపించింది. ఫారెస్ట్ రైట్స్యాక్ట్ను ధర్తీ అబా జన్జాతీయ గ్రామ్ ఉత్కర్ష్ అభియాన్(డీఏజేజీయూఏ) స్కీమ్అపహాస్యం చేస్తున్నదని పేర్కొన్నది. ఆదివాసీలను కేంద్ర సర్కారు వంచిస్తున్నదనే దానికి ఇది నిదర్శనమని తెలిపింది. గిరిజన యోధుడు బిర్సా ముండా 150వ జయంతి సందర్భంగా కాంగ్రెస్ జనరల్ సెక్రటరీ (ఇన్చార్జ్కమ్యూనికేషన్స్) జైరాం రమేశ్ మాట్లాడారు.
బిర్సా ముండా దేశం కన్న గొప్ప పుత్రుల్లో ఒకరని, స్వపరిపాలన, సామాజిక న్యాయానికి దారిచూపిన మహనీయుడని కొనియాడారు. ఆదివాసీలకు కేంద్రం అన్యాయం చేస్తుంటే.. బిహార్లోని జముయీలో ఆదివాసీలపై మోదీ కపట ప్రేమ ఒలకబోస్తున్నారని మండిపడ్డారు. మన్మోహన్సింగ్ సర్కారు ఆమోదించిన అటవీ హక్కుల చట్టం (ఎఫ్ఆర్ఏ–2006) ఒక విప్లవాత్మక చట్టమని, ఇది అడవులపై అధికారాన్ని అటవీ శాఖ నుంచి గ్రామ సభకు బదిలీ చేసిందన్నారు.
