లింగంపేట, వెలుగు : ఆత్మగౌరవం ఉన్న ఎల్లారెడ్డి నియోజకవర్గ ప్రజలు డబ్బులకు అమ్ముడు పోరని, డబ్బు సంచులతో ఎన్నికలకు వచ్చిన నాన్లోకల్ లీడర్ల మాటలను నమ్మె పరిస్థి తి లేదని బీఆర్ఎస్ ఎల్లారెడ్డి అభ్యర్థి జాజాల సురేందర్ పేర్కొన్నారు. గురువారం లింగంపల్లి శివారులోని ఓ ఫంక్షన్హాల్లో నిర్వహించిన ఆత్మీయ సమావేశంలో ఆయన మాట్లాడారు. కార్యకర్తలు, నాయకులపై నమ్మకం లేక వారితో ప్రమాణం చేయించడం సిగ్గుచేటని కాంగ్రెస్అభ్యర్థి మదన్మోహన్రావును ఉద్ధేశించి వ్యాఖ్యలు చేశారు.
ఎల్లారెడ్డిలో ధర్మానికి, అధర్మానికి ,నిజాయతీకి, డబ్బు సంచుల మధ్య పోరాటం జరుగుతుందన్నారు. నియోజకవర్గ ప్రజలంతా ఏకమై తనను రెండోసారి ఎమ్మెల్యేగా గెలిపించాలని కోరారు. బీఆర్ఎస్హయాంలో ఎల్లారెడ్డి నియోజకవర్గంలో అనేక అభివృద్ధి కార్యక్రమాలు చేశామని, కార్యకర్తలు ఇంటింటికి తిరిగి ప్రజలకు వివరించాలన్నారు. ఎల్లారెడ్డి మాజీ ఎమ్మెల్యే జనార్ధన్గౌడ్ మాట్లాడుతూ సురేందర్ను రెండోసారి ఎమ్మెల్యేగా గెలిపిస్తే నియోజకవర్గం మరింత అభివృద్ధి చెందుతుందన్నారు.
ALSO READ: లిక్కర్‌ దందా చేస్తున్న బీఆర్ఎస్ సర్కార్‌: అశ్విని కుమార్‌ చౌబే
కాంగ్రెస్ లీడర్ల మాటలు నమ్మి మోసపోతే గోస పడతామన్నారు. జిల్లాగ్రంథాలయ సంస్థ మాజీ చైర్మన్ఎదురుగట్ల సంపత్ గౌడ్ మాట్లాడుతూ.. బీఆర్ఎస్తోనే అన్నివర్గాల ప్రజలకు న్యాయం జరుగుతుందన్నారు. సీనియర్ నేతలు వడ్ల భీమయ్య, శ్రీనివాస్రెడ్డి, మున్యానాయక్తో పాటు వందలాది మంది కార్యకర్తలు ఎమ్మెల్యే సురేందర్ ఆధ్యర్యంలో బీఆర్ఎస్లోచేరారు.
