- జనగామ జిల్లా కాంగ్రెస్ అధ్యక్షుడు కొమ్మూరి ప్రతాపరెడ్డి
బచ్చన్నపేట, వెలుగు: బీఆర్ఎస్ పదేళ్ల పాలనలో యువతకు దక్కింది శూన్యమని జనగామ జల్లా కాంగ్రెస్అధ్యక్షుడు కొమ్మూరి ప్రతాపరెడ్డి విమర్శించారు. బుధవారం జనగామ జిల్లా బచ్చన్నపేట మండలంలోని కట్కూరు, బండనాగారం, లక్ష్మాపూర్, ఆలింపూర్, బోనకొళ్ళూరు, కేశిరెడ్డిపల్లి, పోచన్నపేట, బసిరెడ్డి గ్రామాలు, బచ్చన్నపేట మండల కేంద్రంలో చేర్యాల మార్కెట్ కమిటీ చైర్మన్ శ్వేత వెంకటచారితో కలిసి ధాన్యం కొనుగోలు కేంద్రాలను కొమ్మూరి ప్రతాపరెడ్డి ప్రారంభించారు.
ఈ సందర్భగా మీడియాతో ఆయన మాట్లాడారు. కేటీఆర్, హరీశ్ రావు కావాలనే కాంగ్రెస్ సర్కారుపై విమర్శలు చేస్తున్నారని మండిపడ్డారు. బీఆర్ఎస్ పాలనలో వ్యవసాయ పనిముట్లపై సబ్సిడీ ఎత్తివేసి ఇబ్బందులకు గురిచేసిందన్నారు. కాంగ్రెస్ అధికారంలోకి రాగానే యువతకు ఉద్యోగాల నియామకంపై దృష్టిపెట్టిందని చెప్పారు. పీఏసీఎస్ చైర్మన్ పూర్ణ చందర్, ఐకేపీ ఏపీఎం నాగేశ్వరరావు,మండల కాంగ్రెస్ అధ్యక్షుడు నూకల బాల్రెడ్డి, జిల్లా నాయకుడు జంగిటి విధ్యానాథ్, టౌన్అధ్యక్షుడు మాత్మచారీ, ఐకేపీ సీసీలు, పొదుపు సంఘాల ప్రతినిధులు, కాంగ్రెస్ నాయకులు పాల్గొన్నారు.
