చేర్యాల, వెలుగు: ప్రభుత్వం తపాస్పల్లి రిజర్వాయర్ను నింపి చేర్యాల సబ్డివిజన్లోని నాలుగు మండలాలకు నీళ్లందించాలని జనగామ ఎమ్మెల్యే పల్లా రాజేశ్వర్రెడ్డి డిమాండ్ చేశారు. సోమవారం మండల కేంద్రంలోని కల్యాణి గార్డెన్లో ఏర్పాటు చేసిన సీఎంఆర్ఎఫ్ చెక్కుల పంపిణీ కార్యక్రమానికి ముఖ్య అతిథిగా పాల్గొని మాట్లాడారు. తపాస్పల్లి రిజర్వాయర్లోకి గోదావరి జలాలను తరలించి అక్కడి నుంచి చేర్యాల, మద్దూరు, ధూల్మిట్ట, కొమురవెల్లి మండలాల్లోని రైతులకు సాగునీరును అందించాలన్నారు.
ఎంతమంది వచ్చినా నీలిమా హాస్పిటల్లో ఉచిత వైద్యం అందిస్తానని హామీ ఇచ్చారు. ఈ సందర్భంగా 147 మందికి సీఎంఆర్ఎఫ్చెక్కులను అందజేశారు. అనంతరం వీరన్నపేట గ్రామంలో ఏర్పాటు చేసిన చాకలి అయిలమ్మ విగ్రహాన్ని ఆవిష్కరించారు. కార్యక్రమంలో మాజీ ఎంపీపీ కర్ణాకర్, కృష్ణారెడ్డి, మున్సిపల్ చైర్పర్సన్ స్వరూపరాణి, వైస్ చైర్మన్ రాజీవ్కుమార్రెడ్డి, సర్పంచ్ల ఫోరం మాజీ మండల అధ్యక్షుడు ఎల్లారెడ్డి, కౌన్సిలర్లు చంటి, సతీశ్గౌడ్, కనకలక్ష్మి, జుబేదా ఖతూర్, నాగేశ్వర్ రావు, మల్లేశం, మార్కెట్మాజీ చైర్మన్మల్లేశం గౌడ్, చుక్కారెడ్డి, పర్వతాలు పాల్గొన్నారు.
