- జనగామలో బీఆర్ఎస్కు తగ్గిన ఓట్లు
- అసెంబ్లీ ఎన్నికల్లో వచ్చిన ఓట్లు కూడా రాలేదు
- మూడో స్థానానికి పరిమితమైన బీఆర్ఎస్
జనగామ, వెలుగు : మాజీ సీఎం కేసీఆర్కు అత్యంత సన్నిహితుడిగా పేరొందిన జనగామ ఎమ్మెల్యే పల్లా రాజేశ్వర్రెడ్డికి సొంత నియోజకవర్గ ఓటర్లు భారీ షాక్ఇచ్చారు. భువనగిరి పార్లమెంట్పరిధిలో ఏడు అసెంబ్లీ నియోజకవర్గాలుండగా బీఆర్ఎస్ ఎమ్మెల్యే ఉన్న ఏకైక నియోజకవర్గం జనగామనే. అయితే, మొన్నటి అసెంబ్లీ ఎన్నికల్లో జనగామలో బీఆర్ఎస్కు వచ్చిన ఓట్లతో పోలిస్తే ఎంపీ ఎలక్షన్లో ఆ పార్టీకి ఓట్లు తగ్గాయి. ఈసారి జనగామ ఓటర్లు కాంగ్రెస్ వైపే మొగ్గు చూపారు. బీజేపీ తన ఓటింగ్శాతాన్ని పెంచుకుని రెండో స్థానంలో నిలవగా, బీఆర్ఎస్ మూడో స్థానానికి పరిమితం కావాల్సి వచ్చింది.
కాంగ్రెస్కు 31 వేల మెజార్టీ..
జనగామ నియోజకవర్గంలో 2,42,771 ఓటర్లుండగా లోక్సభ ఎన్నికల్లో 1,81,328 ఓట్లు పోలయ్యాయి. ఇందులో 76,032 ఓట్లు కాంగ్రెస్కు, బీజేపీకి 44,797, బీఆర్ఎస్కు 43,844 ఓట్లు వచ్చాయి. అయితే, అసెంబ్లీ ఎన్నికల్లో పల్లా 15,783 ఓట్ల మెజారిటీతో గెలుపొందగా భువనగిరి పార్లమెంట్స్థానం నుంచి కాంగ్రెస్ అభ్యర్థిగా పోటీ చేసిన చామల కిరణ్కుమార్రెడ్డికి జనగామలో 31,235 ఓట్ల మెజారిటీ వచ్చింది. అది కూడా బీజేపీ అభ్యర్థి బూర నర్సయ్యపై కావడం గమనార్హం. బీఆర్ఎస్తో పోలిస్తే కాంగ్రెస్కు 32,188 ఓట్లు ఎక్కువగా వచ్చాయి. బీఆర్ఎస్కు అసెంబ్లీ ఎన్నికల్లో 98,975 ఓట్లు రాగా, ఇప్పుడు ఆ పార్టీ ఎంపీ అభ్యర్థి క్యామ మల్లేశ్కు కేవలం 43,844 ఓట్లు మాత్రమే వచ్చాయి. పోల్ మేనేజ్మెంట్లో దిట్టగా పల్లా పేరును పదే పదే చెప్పుకునే బీఆర్ఎస్ శ్రేణులకు ఎంపీ ఎలక్షన్ ఫలితాలు ఊహించని షాక్ ను ఇచ్చాయి.
