జనగామ అర్బన్, వెలుగు: ఉద్యోగ, ఉపాధ్యాయులకు పాత పెన్షన్ సాధన కోసం ఐక్యంగా ఉద్యమిస్తామని ఓపీఎస్ మినహా మరే ప్రత్యామ్నాయాలకు అంగీకరించేది లేదని, తెలంగాణ ఉద్యోగుల ఐక్య కార్యాచరణ జనగామ జిల్లా కమిటీ అధ్యక్షుడు ఖాజా షరీఫ్ హెచ్చరించారు. సెప్టెంబర్1న జరిపే పెన్షన్ విద్రోహ దినం సందర్భంగా జనగామ కలెక్టర్ ఆఫీస్ ఎదుట ఆదివారం నిర్వహించిన నిరసనలో ఉద్యోగులు పాల్గొన్నారు.
ఈ సందర్భంగా ఖాజా షరీఫ్ మాట్లాడుతూ కేంద్రం తీసుకువస్తున్న యూపీఎస్ విధానాన్ని వ్యతిరేకించి పోరాటాలకు సిద్ధం కావాలని పిలుపునిచ్చారు. కార్యక్రమంలో శ్రీనివాస్, చంద్రశేఖర్ రావు, మహిపాల్రెడ్డి, లక్ష్మయ్య, లక్ష్మణమూర్తి, రాజు, తదితరులు పాల్గొన్నారు.
