గాలి వీస్తున్నప్పుడు.. పొయ్యి మీద సాంబార్ మసులుతున్నప్పుడు.. ఉల్లిపాయలు తరుగుతున్నప్పుడు ఒకరకమైన రిలాక్సింగ్ సౌండ్స్ వినిపిస్తుంటాయి. ఈ సౌండ్స్ని చాలామంది ఇష్టపడతారు. అచ్చం అలాంటి సౌండ్స్నే వంట చేస్తూ క్రియేట్ చేస్తున్నాడు జపాన్కు చెందిన డ్రెడ్ యమడ. ఆ సౌండ్స్తోపాటు అతని ఫుడ్ మేకింగ్ స్టయిల్ కూడా నచ్చడంతో లక్షలమంది అతని వీడియోలు చూస్తున్నారు.
డ్రెడ్ యమడ జపనీస్ టిక్టాక్ సంచలనం. టిక్టాక్లో అతను పోస్ట్ చేసే వీడియోలను ప్రపంచం నలుమూలల నుంచి చూస్తుంటారు. 2023 జనవరి 2న అతను ‘ఒమాచి’ చిప్స్ అనే వీడియో ఒకటి చేశాడు. ఆ వీడియోతో ఒక్కసారిగా లైమ్లైట్లోకి వచ్చేశాడు. అప్పటినుంచి అతన్ని సోషల్ మీడియాలో కొన్ని లక్షల మంది ఫాలో అవుతున్నారు. డ్రెడ్1994 అక్టోబరు 2న జపాన్‌‌‌‌లో పుట్టాడు. ప్రస్తుతం అతనికి 29 ఏళ్లు. వీడియోలో అతను తక్కువ కనిపిస్తుంటాడు. ఎక్కువగా కుకింగ్ ప్రాసెస్ మాత్రమే కనిపిస్తుంటుంది. వ్యక్తిగత జీవితం, కుటుంబం గురించి వీడియోల్లో ఎప్పుడూ ప్రస్తావించలేదు.
టిక్టాక్ నుంచి యూట్యూబ్
డ్రెడ్కు మొదటినుంచి ఏఎస్ఎంఆర్ (అటానమస్ సెన్సరీ మెరిడియన్ రెస్పాన్స్) సౌండ్స్ అంటే ఇష్టం. దాంతోపాటు వంట చేయడం కూడా ఇష్టమే. అందుకే ఈ రెండింటినీ కలిపి చేయాలనే ఉద్దేశంతో వీడియోలు చేయడం మొదలుపెట్టాడు. కానీ.. వీడియోలు పోస్ట్ చేసింది మాత్రం టిక్టాక్లోనే. ఇండియాలో లేకపోయినా టిక్టాక్ చాలా దేశాల్లో ఇప్పటికీ ఎఫెక్టివ్గా పనిచేస్తోంది. డ్రెడ్ కూడా టిక్టాక్ వల్లే ఫేమస్ అయ్యాడు. ముఖ్యంగా అతని ముఖ కవళికలు, మూమెంట్స్ అందరికీ నచ్చేలా ఉంటాయి. గమ్మత్తయిన ఎక్స్ప్రెషన్స్ ఇస్తుంటాడు. అందుకే తక్కువ టైంలోనే అతనికి ఫాలోయింగ్ పెరిగింది. ముఖ్యంగా టిక్టాక్లో పోస్ట్ చేసిన చమత్కారమైన ముక్బాంగ్ వీడియోల వల్ల ఎక్కువ గుర్తింపు వచ్చింది. ముక్బాంగ్ అంటే... ఈటింగ్ బ్రాడ్కాస్ట్ అని అర్థం. ఈ పదం, తినే పద్ధతి సౌత్ కొరియా నుంచి వచ్చింది.
కేఎఫ్సీ చికెన్ నగ్గెట్స్‌ తయారుచేసి అందులో సాస్‌ వేసుకుని తినే వీడియోకు టిక్టాక్లో బాగా రీచ్ వచ్చింది. అతను సోషల్ మీడియాలోకి రాకముందు కంటెంట్ ప్రొడక్షన్‌, వెబ్ మార్కెటింగ్ సపోర్ట్ ఇచ్చే హైబాల్‌ అనే కంపెనీలో ఉద్యోగం చేసేవాడు. అక్కడ పనిచేసిన ఎక్స్పీరియెన్స్ డ్రెడ్కు కంటెంట్ క్రియేట్ చేయడంలో చాలా ఉపయోగపడింది. పైగా అతను ఒక చెఫ్ కూడా. టిక్టాక్లో వచ్చిన సక్సెస్తో డ్రెడ్ 2023 జనవరి 1న యూట్యూబ్లోకి ఎంట్రీ ఇచ్చాడు. ‘డ్రెడ్ యమడ’ పేరుతో ఛానెల్ క్రియేట్ చేశాడు. ప్రస్తుతం ఛానెల్కు 4.07 మిలియన్ల మంది సబ్స్క్రయిబర్లు ఉన్నారు.
సబ్స్క్రయిబర్ల సంఖ్యను వంద మిలియన్లకు పెంచుకోవాలనే టార్గెట్తో పనిచేస్తున్నాడు. అందుకే ఛానెల్ డిస్క్రిప్షన్లో కూడా ‘గోల్ 100 ఎం’ అని రాశాడు. ఛానెల్లో ఇప్పటివరకు 389 వీడియోలు పోస్ట్ చేశాడు. వాటిలో షార్ట్ వీడియోలే ఎక్కువగా ఉన్నాయి. సబ్స్క్రయిర్ల సంఖ్యతో సంబంధం లేకుండా వ్యూస్ మాత్రం విపరీతంగా పెరుగుతున్నాయి. ఒక వీడియోకు 315 మిలియన్ల వ్యూస్ వచ్చాయి. మరో వీడియోకు 219 మిలియన్ల వ్యూస్ ఉన్నాయి. ఇక పది మిలియన్ల వ్యూస్ దాటిన వీడియోలు ఛానెల్లో ఎన్నో ఉన్నాయి.
టిప్స్
డ్రెడ్ తన వీడియోల్లో ఫుడ్ ప్రిపేర్ చేయడంతో పాటు అప్పుడప్పుడు టిప్స్ కూడా చెప్తుంటాడు. అతని వీడియోల్లో ఎంటర్టైన్మెంట్ ఒక్కటే కాకుండా వంటింటి టిప్స్ కూడా వస్తుంటాయి. ఉదాహరణకు.. ఉల్లిపాయలను కోసే సరైన పద్ధతులు.. కూరగాయలను ఉడికించే విధానం లాంటివి కొన్ని. అలాగే కొన్ని రకాల ఫుడ్స్ని ఎలా? ఎప్పుడు తింటే బాగుంటుందో కూడా వీడియోల ద్వారా చెప్తుంటాడు.
సంపాదన ఇలా...
యమడ షార్ట్ వీడియోలే ఎక్కువగా చేస్తుంటాడు. మరి ఆదాయం ఎలా వస్తుంది? అనే డౌట్ వస్తుంది చాలామందికి. వాటిలోనే చాలా ప్రమోషన్లు చేస్తుంటాడు డ్రెడ్. సోషల్ మీడియాలో వచ్చిన ఫేమ్తో ఇప్పటివరకు చాలా కొలాబరేషన్లు చేశాడు. ఉదాహరణకు ఇంటర్నేషనల్ సూపర్‌‌‌‌స్టార్ షకీరా మ్యూజిక్ వీడియోను తన ఛానెల్లో పోస్ట్ చేశాడు.
ఏఎస్ఎంఆర్
అటానమస్ సెన్సరీ మెరిడియన్ రెస్పాన్స్ అంటే ఒక రకమైన జలదరింపు. ఇది సాధారణంగా తలమీద మొదలై మెడ, వెన్నెముక వెనుక భాగంలోకి వస్తుంది. సాధారణంగా ఇలాంటి జలదరింపు కొన్ని రకాల సౌండ్స్ వింటే వస్తుంది. వాటినే ఏఎస్ఎంఆర్ సౌండ్స్ అంటారు. ఇలాంటి సౌండ్స్ని ప్రతి ఒక్కరూ ఏదో ఒక సందర్భంలో ఎక్స్పీరియెన్స్ చేసే ఉంటారు. ఇల్లు ఊడుస్తున్నప్పుడు, కత్తితో ఉల్లిపాయల్లాంటి వాటిని కోస్తున్నప్పుడు ఇలాంటి శబ్దాలు వినిస్తుంటాయి. ఆ సౌండ్స్ని చాలా హై క్వాలిటీ మైక్స్తో రికార్డ్ చేస్తుంటారు.
